3 રૂપિયાના શેરે રોકાણકારોને બનાવ્યા કરોડપતિ, 6 વર્ષમાં 1 લાખ બન્યા 2 કરોડ

Multibagger Stocks: સ્ટોક્સમાં રોકાણ કરવું એ બિઝનેસમાં રોકાણ કરવા જેવું છે. અનુભવી રોકાણકારોના મતે જ્યારે વેન્ચર કેપિટલિસ્ટ અને અન્ય વિવિધ રોકાણકારો નાની અને મધ્યમ કદની કંપનીઓમાં રોકાણ કરે છે, એકવાર તેઓને બિઝનેસ મોડલ અને તેની સતત બિઝનેસ સંભવિતતા વિશે ખાતરી થઈ જાય છે. શેરોમાં  (Stock Market) રોકાણ કરતી વખતે પણ આવું જ કરવું જોઈએ. એકવાર જ્યારે તમે શેયરમાં રોકાણ કરો છો તો તમારે લાંબા સમય સુધી રોકાણ કરવાનો પ્રયાસ કરવો જોઈએ. જે રોકાણકારને ચક્રવૃદ્ધિ લાભો મેળવવા અને ટૂંકા ગાળામાં મોટી રકમ જમા કરવામાં મદદ કરે છે. જીઆરએમ ઓવરસીઝનો સ્ટોક તેનું સારું ઉદાહરણ છે. છેલ્લા 5 વર્ષમાં રાઈસ મિલિંગ કંપનીનો સ્ટોક 3 રૂપિયાના સ્તરથી વધીને 591.90 રૂપિયા થયો છે, જે આ સમયગાળામાં લગભગ 200 ગણો વધી ગયો છે.

આ મલ્ટીબેગર સ્ટોક છેલ્લા એક મહિનામાં વેચવાલીના દબાણ હેઠળ છે. ભૌગોલિક રાજકીય તણાવને કારણે નકારાત્મક લાગણીઓને કારણે બજારમાં વેચવાલીનું વાતાવરણ છે. ભૌગોલિક રાજકીય તણાવને કારણે વૈશ્વિક ઇક્વિટી બજારોમાં નબળાઈને કારણે છેલ્લા એક મહિનામાં મલ્ટીબેગર સ્ટોકમાં 17 ટકાનો ઘટાડો થયો છે. પરંતુ, છેલ્લા 6 મહિનામાં આ મલ્ટીબેગર શેરની કિંમત  196 રૂપિયાથી વધીને 591.90 રૂપિયા થઈ ગઈ છે, જે આ સમયગાળામાં લગભગ 200 ટકાનો વધારો નોંધાવ્યો છે.

1 વર્ષમાં 770 ટકા વળતર

છેલ્લા એક વર્ષમાં પેની સ્ટોક લગભગ  68 રૂપિયાથી વધીને 591.90 રૂપિયા થયો છે. આ સમય દરમિયાન તેમાં 770 ટકાનો વધારો નોંધાયો હતો. એ જ રીતે છેલ્લા 6 વર્ષમાં આ મલ્ટીબેગર પેની સ્ટોક 3 રૂપિયા માર્ચ 11, 2016ના BSE પર બંધ ભાવથી વધીને 4 માર્ચ 2022ના રોજ 591.90 રૂપિયા પર પહોંચી ગયો. આ સમયગાળામાં લગભગ 19,900 ટકાનો વધારો થયો હતો.

1 લાખ રૂપિયા 2 કરોડ બની ગયા

જો કોઈ રોકાણકારે GRM ઓવરસીઝના શેરમાં 1 મહીના પહેલા 1 લાખ રૂપિયાનું રોકાણ કર્યું હોત, તો તેના 1 લાખ ઘટીને આજે  83,000 રૂપિયા થઈ ગયા હોત, જ્યારે 6 મહિના પહેલા રોકાણ કર્યુ હોત તો  3 લાખ રૂપિયા થઈ ગયા હોત. જો કોઈ રોકાણકારે એક વર્ષ પહેલા આ મલ્ટીબેગર સ્ટોકમાં  1 લાખ રૂપિયાનું રોકાણ કર્યું હોત તો આજે તે  8.70 લાખ રૂપિયા થઈ ગયા હોત. જ્યારે કોઈએ 6 વર્ષ પહેલા આ મલ્ટિબેગર સ્ટોકમાં 1 લાખ રોક્યા હોત તો આજે તેના 2 કરોડ થઈ ગયા હોત.

‘મિન્ટ’ના અહેવાલ મુજબ IIFL સિક્યોરિટીઝના વાઈસ પ્રેસિડેન્ટ અનુજ ગુપ્તાએ જણાવ્યું હતું કે GRM ઓવરસીઝ શેયર હાલમાં 200 દિવસની મૂવિંગ એવરેજથી નીચે ટ્રેડ થઈ રહ્યો છે. જાન્યુઆરી 2022માં 935.40 રૂપિયાની ઊંચી સપાટીએ પહોંચ્યા બાદ તે ઘટાડા સાથે ટ્રેડ થઈ રહ્યો છે. આ સ્ટૉકને 454 રૂપિયાના સ્તરે સ્ટોપ લોસ સાથે 500 રૂપિયાથી 510 રૂપિયાની રેન્જમાં ખરીદી શકાય છે.

આ પણ વાંચો :  રશિયા-યુક્રેન યુદ્ધને કારણે આગામી નાણાકીય વર્ષમાં દેશની GDP ઘટશે, ફુગાવાને પણ અસર કરશેઃ રિપોર્ટ