એશિયાનો સૌથી મોટો ફુડ પાર્ક બનાવશે મુકેશ અંબાણી, સરકાર સાથે 40 હજાર કરોડના કર્યા MOU
દેશની સૌથી મોટી અને મૂલ્યવાન કંપની રિલાયન્સ ઇન્ડસ્ટ્રીઝ, ખાદ્ય ક્ષેત્રમાં એક મોટું પગલું ભરવાની તૈયારી કરી રહી છે. તેની પેટાકંપની RCPL એ દેશમાં ખાદ્ય ઉત્પાદન એકમો સ્થાપવા માટે સરકાર સાથે ₹40,000 કરોડના MoU પર હસ્તાક્ષર કર્યા છે.
ભારત અને એશિયાના સૌથી ધનિક વ્યક્તિ મુકેશ અંબાણીની માલિકીની રિલાયન્સ ઇન્ડસ્ટ્રીઝ, ખાદ્ય ક્ષેત્રમાં મોટો હિસ્સો બનાવી રહી છે. રિલાયન્સ ઇન્ડસ્ટ્રીઝની પેટાકંપની રિલાયન્સ કન્ઝ્યુમર પ્રોડક્ટ્સ લિમિટેડે દેશભરમાં સંકલિત ખાદ્ય ઉત્પાદન સુવિધાઓ સ્થાપવા માટે ફૂડ પ્રોસેસિંગ ઇન્ડસ્ટ્રીઝ મંત્રાલય સાથે ₹40,000 કરોડના કરાર પર હસ્તાક્ષર કર્યા હોવાની સૂત્રો દ્વારા માહિતી મળી છે. ગુરુવારે વર્લ્ડ ફૂડ ઇન્ડિયા 2025 ઇવેન્ટ દરમિયાન આ MoU પર હસ્તાક્ષર કરવામાં આવ્યા હતા.
ઓગસ્ટમાં તેની વાર્ષિક સામાન્ય સભામાં તેની રોકાણ યોજનાની જાહેરાત કરતા, રિલાયન્સ ઇન્ડસ્ટ્રીઝે કહ્યું કે તે AI-સંચાલિત ઓટોમેશન, રોબોટિક્સ અને ટકાઉ ટેકનોલોજી સાથે એશિયાનો સૌથી મોટો સંકલિત ફૂડ પાર્ક બનાવશે. RCPL ભારતની સૌથી ઝડપથી વિકસતી FMCG કંપનીઓમાંની એક છે. તેની સ્થાપના પછી માત્ર ત્રણ વર્ષમાં, તેણે ₹11,000 કરોડથી વધુની આવક મેળવી છે. RCPL એ ઘણી ગ્રાહક બ્રાન્ડ્સ હસ્તગત કરી છે. મહત્વાકાંક્ષી ધ્યેય
એમઓયુ હેઠળ, આરસીપીએલ મહારાષ્ટ્રના નાગપુરના કાટોલ અને આંધ્રપ્રદેશના કુર્નૂલમાં ખાદ્ય ઉત્પાદનો અને પીણાં માટે સંકલિત સુવિધાઓ સ્થાપિત કરવા માટે ₹1,500 કરોડથી વધુનું રોકાણ કરશે. ઓગસ્ટની વાર્ષિક સામાન્ય સભામાં, રિલાયન્સ ઇન્ડસ્ટ્રીઝના ડિરેક્ટર ઇશા અંબાણીએ જણાવ્યું હતું કે આરસીપીએલ ગૃપ ગ્રોથ એન્જિનોમાંનું એક છે. તેનું લક્ષ્ય વૈશ્વિક ઉપસ્થિતિ સાથે પાંચ વર્ષમાં ₹1 લાખ કરોડની આવક પ્રાપ્ત કરવાનું છે.
ભારત આવી શકે છે અમેરિકી રાષ્ટ્રપતિ ટ્રમ્પ, PM મોદી સાથે કરશે મુલાકાત, તો ભારત અમેરિકાના સંબંધો પૂર્વવત થશે?
