ફરી એકવાર મુકેશ અંબાણીએ ગૌતમ અદાણીને પાછળ છોડી દીધા, જાણો વિશ્વના અમીરોની યાદીમાં કયો નંબર છે

ફરી એકવાર મુકેશ અંબાણીએ (Mukesh Ambani) ગૌતમ અદાણીને પાછળ છોડીને એશિયાના સૌથી અમીર વ્યક્તિનો ખિતાબ પાછો ખેંચી લીધો છે. બ્લૂમબર્ગ બિલિયોનેર્સ ઈન્ડેક્સ પર ઉપલબ્ધ ડેટા અનુસાર, મુકેશ અંબાણીની સંપત્તિ $99.7 બિલિયન થઈ ગઈ છે અને તેઓ વિશ્વના 8મા સૌથી અમીર વ્યક્તિ છે. તે જ સમયે, ગૌતમ અદાણી (Gautam Adani) $ 98.7 બિલિયનની નેટવર્થ સાથે વિશ્વના નવમા સૌથી ધનિક વ્યક્તિ છે. રિલાયન્સના શેરમાં વધારો થતાં મુકેશ અંબાણીની સંપત્તિમાં આજે 3.6 અબજ ડોલરનો ઉછાળો આવ્યો છે. આ વર્ષે અત્યાર સુધીમાં તેમની સંપત્તિમાં $9.69 બિલિયનનો ઉછાળો આવ્યો છે. ગૌતમ અદાણીની સંપત્તિમાં આ વર્ષે અત્યાર સુધીમાં 22.2 અબજ ડોલરનો ઉછાળો આવ્યો છે. છેલ્લા ચોવીસ કલાકમાં $2.96 બિલિયનનો ઉછાળો આવ્યો છે.

રિલાયન્સના શેરમાં આ અઠવાડિયે લગભગ 8.7 ટકાનો વધારો થયો છે અને તે 52-સપ્તાહની ટોચની નજીક ટ્રેડ થઈ રહ્યો છે. બપોરે 12.40 વાગ્યે રિલાયન્સ ઈન્ડસ્ટ્રીઝનો શેર 2.75 ટકાના ઉછાળા સાથે રૂ. 2797ના સ્તરે ટ્રેડ થઈ રહ્યો હતો. આજે તે ટ્રેડિંગ દરમિયાન રૂ.2817ના સ્તરે પહોંચી ગયો હતો. 52 સપ્તાહની ઊંચી સપાટી રૂ. 2856 છે. આજે કારોબાર દરમિયાન રિલાયન્સનું માર્કેટ કેપ 19 લાખ કરોડને વટાવી ગયું હતું. પ્રમોટર્સ રિલાયન્સમાં 50.66 ટકા હિસ્સો ધરાવે છે.

વિશ્વના બજારોમાંથી મિશ્ર સંકેતો મળ્યા બાદ આજે ભારતીય શેરબજારમાં જોરદાર તેજી જોવા મળી છે. સપ્તાહના છેલ્લા ટ્રેડિંગ દિવસે એટલે કે શુક્રવારે શેરબજાર તેજી સાથે ખુલ્યું અને અહીં સેન્સેક્સ-નિફ્ટીમાં લગભગ 1 ટકાનો વધારો થયો છે. સેન્સેક્સમાં  600 પોઈન્ટ એટલે કે 1 ટકાનો ઉછાળો જોવા મળી રહ્યો છે અને નિફ્ટી 150 પોઈન્ટના વધારા સાથે 16700ની ઉપરના સ્તરે ટ્રેડ થઈ રહ્યો છે. આજના ટ્રેડિંગ સેશન દરમિયાન 2002 શેરમાં ખરીદી અને 538 શેરમાં વેચાણ છે તો 100 શેરમાં કોઈ ફેરફાર જોવા મળી રહ્યો નથી.

સપ્તાહના છેલ્લા દિવસેબજાર  ખૂબ જ  સારી તેજી સાથે ખુલ્યું હતું . આજે સવારે સેન્સેક્સ 430 પોઈન્ટના વધારા સાથે 56249 પર અને નિફ્ટી 133 પોઈન્ટના વધારા સાથે 16761ના સ્તરે ખુલ્યો હતો. શરૂઆતના કારોબારમાં બજારમાં તેજી જોવા મળી રહી છે અને સેન્સેક્સમાં 500થી વધુ પોઈન્ટનો ઉછાળો જોવા મળી રહ્યો છે. શરૂઆતના કારોબારમાં HCL ટેક્નોલોજી, વિપ્રો, ટેક મહિન્દ્રા, ઈન્ફોસિસ અને બજાજ ફાઈનાન્સિયલ સર્વિસિસ જેવા શેરોમાં ઉછાળો જોવા મળી રહ્યો છે. અલ્ટ્રાટેક સિમેન્ટ, એનટીપીસી અને એશિયન પેઈન્ટ્સ જેવા સ્ટોકમાં ઘટાડો થઈ રહ્યો છે. આજે આઇટી, ફાર્મા અને પીએસયુ બેન્ક્સ ઇન્ડેક્સ સૌથી વધુ ઉછાળો છે. આઈટી ઈન્ડેક્સમાં 2.20 ટકાનો ઉછાળો જોવા મળી રહ્યો છે.