મુકેશ અંબાણીના Jio એ તેની 8મી વર્ષગાંઠ પર આપી મોટી ભેટ, 10 સપ્ટેમ્બર સુધી રિચાર્જ પર મળશે મોટા ફાયદા
Reliance Jio, ભારતની અગ્રણી ટેલિકોમ ઓપરેટર કંપની તેની 8મી વર્ષગાંઠ પર તેના ગ્રાહકોને મોટી ભેટ આપી રહી છે. આ ખાસ અવસર પર Jio એ 5 થી 10 સપ્ટેમ્બર વચ્ચે પસંદગીના રિચાર્જ પ્લાન્સ પર વિશેષ ઑફર્સની જાહેરાત કરી છે.
મુકેશ અંબાણીના Jioની આ ઑફર હેઠળ, ગ્રાહકો રૂપિયા 899 અને રૂપિયા 999ના ત્રિમાસિક રિચાર્જ પ્લાન તેમજ રૂપિયા 3599ના વાર્ષિક પ્લાન પર રૂપિયા 700 ના કુલ વિશિષ્ટ લાભો મેળવી શકે છે.
ગ્રાહકોને આ સેલિબ્રેશન ઓફરમાં ઘણા આકર્ષક લાભો મળશે, જેમાં નીચેનાનો સમાવેશ થાય છે
વધુ ડેટા : રૂપિયા 899 અને રૂપિયા 999ના રિચાર્જ પ્લાનમાં યુઝર્સને દરરોજ 2GB ડેટા મળશે. 899 રૂપિયાના પ્લાનની વેલિડિટી 90 દિવસની છે અને 999 રૂપિયાના પ્લાનની વેલિડિટી 98 દિવસની છે. જ્યારે 3599 રૂપિયાના વાર્ષિક પ્લાનમાં ગ્રાહકોને દરરોજ 2.5GB ડેટા મળશે, જે આખા વર્ષ માટે એટલે કે 365 દિવસ માટે માન્ય છે.
OTT પ્લેટફોર્મ સબ્સ્ક્રિપ્શન: આ ઑફરમાં તમને Disney + Hotstar, Sony Liv અને અન્ય 10 લોકપ્રિય OTT પ્લેટફોર્મનું સબ્સ્ક્રિપ્શન પણ મળશે, જેથી તમે તમારા મનપસંદ શો અને ફિલ્મોનો આનંદ લઈ શકો.
Zomato ગોલ્ડ સબ્સ્ક્રિપ્શન: આ પ્લાન સાથે તમને Zomato ગોલ્ડનું ત્રણ મહિનાનું ફ્રી સબસ્ક્રિપ્શન મળશે. આની મદદથી તમે તમારા મનપસંદ રેસ્ટોરન્ટમાં વિશેષ ડિસ્કાઉન્ટ અને ઑફર્સનો લાભ લઈ શકો છો.
AJIO શોપિંગ વાઉચર: ગ્રાહકોને AJIO પર રૂપિયા 2999 કે તેથી વધુના ઓર્ડર પર રૂપિયા 500 નું વાઉચર પણ મળશે, જે ખરીદી પર રિડીમ કરી શકાય છે.
10GB ડેટા વાઉચર: વધુમાં, તમને 10GB ડેટા વાઉચર મળશે, જેની કિંમત 175 રૂપિયા છે અને તે 28 દિવસ માટે માન્ય છે.
ડિજિટલ ક્રાંતિમાં Jioનું યોગદાન
રિલાયન્સ Jio એ 8 વર્ષ પહેલા લોન્ચ કર્યા બાદથી ભારતનો ડિજિટલ લેન્ડસ્કેપ બદલી નાખ્યો છે. Jio એ પોસાય તેવા ભાવે હાઇ-સ્પીડ ડેટા ઉપલબ્ધ કરાવીને ટેલિકોમ ઉદ્યોગમાં એક નવી દિશા આપી.
આજે, Jio પાસે 49 કરોડથી વધુ ગ્રાહકો છે, જે તેના નેટવર્ક અને સેવાઓની લોકપ્રિયતાને દર્શાવે છે. Jioની આ ખાસ ઓફર ગ્રાહકો માટે એક શાનદાર તક છે, જેના દ્વારા તેઓ તેમના રિચાર્જ પર વધારાના લાભો મેળવી શકે છે. જો તમે 5 થી 10 સપ્ટેમ્બર વચ્ચે રિચાર્જ કરવાનું વિચારી રહ્યા છો, તો આ તક ચૂકશો નહીં અને આ શાનદાર ઑફર્સનો લાભ લો.