Share Market : હવે IPO માં WhatsApp દ્વારા પણ રોકાણ કરી શકાશે, જાણો કઈ રીતે?
નજીના સમયમાં લાઇફ ઇન્સ્યોરન્સ કોર્પોરેશન ઓફ ઇન્ડિયા (LIC IPO) થી BYJU’S સુધી 8 IPO લોન્ચ થશે. 2021નું વર્ષ કંપનીઓ માટે બજારમાંથી નાણાં એકત્ર કરવાની બાબતમાં શાનદાર રહ્યું છે.
ભારતના IPO માર્કેટમાં LIC (LIC IPO) માં રોકાણ કરવા માટે ઉત્સુક રોકાણકારોના ઉત્સાહ વચ્ચે હવે રોકાણ સેવાઓ પૂરી પાડતી કંપની જિયોજીત ફાઇનાન્સિયલ સર્વિસિસ લિમિટેડે એક નવી સેવા શરૂ કરી છે. કંપનીએ બુધવારે કહ્યું કે તેણે રોકાણકારો માટે WhatsApp દ્વારા IPOમાં રોકાણ (IPO application facility through WhatsApp)કરવાની સુવિધા શરૂ કરી છે. IPO એપ્લિકેશન પ્રક્રિયાને સરળ બનાવવા માટે જિયોજીત તેના ગ્રાહકોને WhatsApp પર end-to-end સપોર્ટ પ્રદાન કરી રહ્યું છે. આ સેવામાં સૌથી ખાસ ફીચરનું નામ e-IPO છે. આનાથી રોકાણકારો IPO એપ્લિકેશન પ્રક્રિયાને સરળતાથી નેવિગેટ કરી શકે છે.
કોઈપણ અન્ય App ની જરૂર નહિ
કંપનીએ કહ્યું છે કે જિયોજીતના ગ્રાહકો કોઈપણ અન્ય એપ ખોલ્યા વગર WhatsApp ચેટ વિન્ડો દ્વારા કોઈપણ IPO સબસ્ક્રાઈબ કરી શકે છે. કંપનીના જણાવ્યા અનુસાર જિયોજીત ટેક્નોલોજીસ દ્વારા વિકસિત આ WhatsApp ચેનલ સ્ટોક ટ્રેડિંગ અને મ્યુચ્યુઅલ ફંડ રોકાણની સુવિધા આપે છે.
જિયોજીતના ચીફ ડિજિટલ ઓફિસર જયદેવ એમ. વસંતમે જણાવ્યું હતું કે, “આ IPO સેવાની શરૂઆત અમારા ગ્રાહકોને શ્રેષ્ઠ ડિજિટલ રોકાણ સુવિધાઓ પ્રદાન કરવાના અમારા પ્રયાસોનો એક ભાગ છે. અમારી WhatsApp-સંકલિત IPO સેવા અમારા ગ્રાહકોની આંગળીના ટેરવે IPO એપ્લિકેશન પ્રક્રિયા લાવે છે. તમામ રોકાણકારોને શ્રેષ્ઠ ડિજિટલ રોકાણનો અનુભવ પણ પ્રદાન કરે છે. આ સેવા સાથે, IPO એપ્લિકેશન WhatsApp ચેટ વિન્ડો છોડ્યા વિના થોડીવારમાં પૂર્ણ કરી શકાય છે.”
UPI ID જરૂરી
માન્ય UPI (Unified Payments Interface) ID ધરાવતા અને કોઈપણ માનક UPI- સક્ષમ મોબાઇલ એપ્લિકેશનનો ઉપયોગ કરતા તમામ ગ્રાહકો આ સેવાનો ઉપયોગ કરી શકે છે. LIC સહિત 5થી વધુ કંપનીઓ માર્ચમાં IPO લાવવાની તૈયારીમાં છે. દેશની સૌથી મોટી વીમા કંપની LIC આ મહિને IPO લાવવાની તૈયારી કરી રહી છે. આ ઉપરાંત, PharmaG અને ડેલ્હીવરી સહિતની કેટલીક કંપનીઓ તેમના IPO લોન્ચ કરવા જઈ રહી છે.
8 કંપનીઓ IPO માટે કતારમાં
નજીકના સમયમાં લાઇફ ઇન્સ્યોરન્સ કોર્પોરેશન ઓફ ઇન્ડિયા (LIC IPO) થી BYJU’S સુધી 8 IPO લોન્ચ થશે. 2021નું વર્ષ કંપનીઓ માટે બજારમાંથી નાણાં એકત્ર કરવાની બાબતમાં શાનદાર રહ્યું છે. વર્ષ 2021માં 65 કંપનીઓએ IPO દ્વારા 1 લાખ 35 હજાર કરોડ રૂપિયા એકત્રિત કર્યા જે કોઈપણ એક વર્ષમાં સૌથી વધુ ભંડોળ એકત્ર કરવાનો રેકોર્ડ છે. ટ્રેન્ડ જોતાં આઈપીઓ માર્કેટમાં તેજી જોવા મળે એવી શક્યતા છે કે જે કંપનીઓ બજારમાં પ્રવેશવા માંગે છે. ઘણી મોટી કંપનીઓ આવતા મહિને એટલે કે માર્ચ 2022માં બજારમાં પ્રવેશવાની અપેક્ષા છે, જેમાં બહુપ્રતીક્ષિત જીવન વીમા નિગમ ઓફ ઈન્ડિયા (LIC)નો સમાવેશ થાય છે. જોકે, આ IPOની શરૂઆત અને બંધ થવાની તારીખો નક્કી કરવામાં આવી નથી કારણ કે કંપનીઓએ માત્ર ડ્રાફ્ટ રેડ હેરિંગ પ્રોસ્પેક્ટસ (DRHP) સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ને સબમિટ કર્યો છે.
આ પણ વાંચો : GOLD : રશિયા -યુક્રેન યુદ્ધના પગલે વૈશ્વિક અનિશ્ચિતતાઓ વચ્ચે સોનું 60 હજાર સુધી ઉછળે તેવા સંકેત
