ITR Filing Last Day: જો તમે આજે પણ તમારું રિટર્ન ફાઇલ કરી શકતા નથી, તો તમારી પાસે કયા વિકલ્પો છે? જાણી લો
આજે 31 જુલાઈના રોજ ITR ભરવાની છેલ્લી તારીખ છે. જો તમે કોઈ કારણોસર તમારું રિટર્ન ફાઈલ કરી શકતા નથી. તો ચિંતા કરવાની કોઈ જરુર નથી. તો આજે ચાલો જાણી લઈએ તમારી પાસે ક્યા ક્યા વિકલ્પો છે.
ITR Filing Last Day : એસેસમેન્ટ યર 2026-27 માટે ઈન્કમ ટેક્સ રિટર્ન દાખલ કરવાની આજે 31 જુલાઈ 2026ની તારીખ છેલ્લી છે.દર વર્ષે લાખો કરદાતાઓ છેલ્લી ઘડીની ટેકનિકલ સમસ્યાઓ, ધીમા સર્વર અથવા ફક્ત ઉતાવળના કારણે આ મહત્વપૂર્ણ કાર્ય સમયસર પૂર્ણ કરી શકતા નથી. જો તમે પણ તમારા ટેક્સ રિટર્ન ફાઇલ કરવાની આ સમયમર્યાદા ચૂકી જાઓ છો, તો ચિંતા કરવાની જરૂર નથી.
આવકવેરા વિભાગ આવા કરદાતાઓને બીજી તક આપી રહ્યું છે. ચાલો જાણીએ કે સમયમર્યાદા પછી તમારી પાસે કયા વિકલ્પો ઉપલબ્ધ છે.
ડેડલાઈન બાદ શું વિકલ્પ
31 જુલાઈની તારીખ નીકાળ્યા બાદ તમારી પાસે રિટર્ન ભરવાની તક રહે છે. આયકર કાનુની કલમ 139(4) હેઠળ કરદાતા વિલેટેડ રિટર્ન એટલે કે, ભરવાનું આઈટીઆર દાખલ કરી શકે છે. આ માટે સરકારે 31 ડિસેમ્બર 2026 સુધીનો સમય નક્કી કર્યો છે. આ એક પ્રકારનો ગ્રેસ પીરિયડ છે. આ સુવિધા મફતમાં મળતી નથી. આ દરમિયાન રિટર્ન ભરવા પર તમારે લેટ ફી અને ટેક્સ પર મોટું વ્યાજ ચૂકવવું અનિવાર્ય થઈ જાય છે.
લેટ ફીનું ગણિત સમજો
મોડું આઈટીઆર દાખલ કરવાની સ્થિતિમાં ઈન્કમ ટેક્સ એક્ટના સેક્શન 234Fના હેઠળ પેનલ્ટી વસુલવામાં આવે છે. આનો નિયમ ખુબ સ્પષ્ટ છે. જો તમારી આવક વર્ષની 5 લાખ રુપિયાથી વધારે છે. તો પાંચ હજાર રુપિયાનો દંડ આપવો પડશે. નાના કરદાતાઓને નિયમમાં થોડી રાહત આપવામાં આવી છે. જો વર્ષની કમાણી લાખો રુપિયાથી ઓછી છે. તો આ લેટ ફી એક હજાર રુપિયાથી વધારે નહી હોય. જો આવક કર મુક્તિની મૂળભૂત મર્યાદા કરતા ઓછી હોય અને તમે ફક્ત રેકોર્ડ માટે સ્વેચ્છાએ ITR ફાઇલ કરી રહ્યા છો, તો કોઈ દંડ વસૂલવામાં આવશે નહીં.
દર મહિને 1% ના દરે સાદું વ્યાજ
દંડ સિવાય વ્યાજ અલગ પડે છે. જો તમે સમયસર રિટર્ન ફાઇલ કરવામાં નિષ્ફળ જાઓ, તો કલમ 234A 1 ઓગસ્ટ, 2026 થી દર મહિને 1% ના દરે સાદું વ્યાજ વસૂલવાનું શરૂ કરશે. આ મીટર ત્યાં સુધી ચાલુ રહેશે જ્યાં સુધી તમે સંપૂર્ણ બાકી રકમ ચૂકવો નહીં.જુદા જુદા કરદાતાઓ માટે અલગ અલગ કર હોય છે. આ કરનો દર તેમની આવક પર આધાર રાખે છે. આ માટે સરકાર દ્વારા સ્લેબ નક્કી કરવામાં આવ્યા છે. કરપાત્ર આવકમાં વધારો થતાં ટેક્સનો દર વધી શકે છે.
આવકવેરો (ઈન્કમ ટેક્સ) એ કોઈપણ વ્યક્તિ અથવા સંસ્થા દ્વારા કરાયેલી કમાણી અથવા નફા પર લાદવામાં આવતો કર છે. અહી ક્લિક કરો
