Bank Holidays in June 2026 List : જૂન 2026માં બેંકો 11 દિવસ રહેશે બંધ, મહત્વપૂર્ણ કામો માટે અગાઉથી કરી લો આયોજન

જૂન મહિનો શરૂ થવા જઈ રહ્યો છે અને જો તમારે બેંક સંબંધિત કોઈ મહત્વપૂર્ણ કામ જેમ કે પાસબુક અપડેટ કરાવવું, ચેકબુક મેળવવી, લોન પ્રક્રિયા પૂર્ણ કરવી અથવા અન્ય કોઈ શાખા આધારિત સેવા લેવી હોય તો અગાઉથી આયોજન કરવું જરૂરી બનશે. રિઝર્વ બેંક ઓફ ઇન્ડિયા દ્વારા જાહેર કરાયેલા રજા કેલેન્ડર મુજબ જૂન 2026 દરમિયાન દેશભરની બેંક શાખાઓ કુલ 11 દિવસ માટે બંધ રહેશે.

જૂનમાં આવનારી રજાઓમાં નિયમિત રવિવાર અને બીજા તેમજ ચોથા શનિવારની રજાઓ ઉપરાંત કેટલાક પ્રાદેશિક તહેવારો અને ધાર્મિક પ્રસંગોની રજાઓનો પણ સમાવેશ થાય છે. 7, 14, 21 અને 28 જૂનના રોજ રવિવારની સાપ્તાહિક રજાઓ રહેશે, જ્યારે 13 જૂનના બીજા શનિવાર અને 27 જૂનના ચોથા શનિવારે પણ બેંકોમાં કામકાજ બંધ રહેશે. આ સિવાય મુહર્રમ અને અન્ય પ્રાદેશિક તહેવારોને કારણે વિવિધ રાજ્યોમાં વધારાની રજાઓ જાહેર કરવામાં આવી છે.

રિઝર્વ બેંકના નિયમો અનુસાર બેંક રજાઓને રાષ્ટ્રીય, રાજ્યવાર અને નિયમિત સાપ્તાહિક રજાઓ જેવી વિવિધ શ્રેણીઓમાં વહેંચવામાં આવે છે. તેથી કેટલીક રજાઓ સમગ્ર દેશમાં લાગુ પડે છે, જ્યારે કેટલીક માત્ર ચોક્કસ રાજ્યોમાં જ અમલમાં હોય છે. જેના કારણે ગ્રાહકોએ પોતાના રાજ્યની રજાઓની યાદી પણ તપાસવી જરૂરી છે.

આ તારીખોએ બંધ રહેશે બેંક

મહિનાના અંતમાં સતત ત્રણ દિવસની રજાઓ આવવાની શક્યતા હોવાથી બેંકિંગ સેવાઓ પર તેની અસર જોવા મળી શકે છે. આવા સમયમાં ચેક ક્લિયરન્સ, દસ્તાવેજી પ્રક્રિયા અથવા શાખા મુલાકાત જરૂરી હોય તેવા કાર્યોમાં વિલંબ થઈ શકે છે.

જોકે બેંક શાખાઓ બંધ રહેશે, તેમ છતાં ગ્રાહકો માટે ડિજિટલ બેંકિંગ સેવાઓ સતત ઉપલબ્ધ રહેશે. યુપીઆઈ, નેટ બેંકિંગ, મોબાઇલ બેંકિંગ એપ્લિકેશન અને એટીએમ જેવી સેવાઓ 24 કલાક કાર્યરત રહેશે. ગ્રાહકો પૈસા ટ્રાન્સફર, બિલ ચુકવણી અને અન્ય ઓનલાઈન વ્યવહારો સરળતાથી કરી શકશે. તેમ છતાં, જે કામગીરી માટે બેંક શાખાની મુલાકાત જરૂરી હોય તેવા કામો સમયસર પૂર્ણ કરી લેવા નિષ્ણાતો સલાહ આપી રહ્યા છે.

આ પણ વાંચો- 2030 સુધી કરોડો નોકરીઓ પર AIનો ખતરો! પરંતુ આ ક્ષેત્રો રહેશે સુરક્ષિત, ડેટા જોઈને તમે આશ્ચર્યચકિત થઈ જશો