SIPમાં દર મહિને કેટલાક પૈસા જમા કરીને તમે લાંબા ગાળા માટે એક વિશાળ ફંડ બનાવી શકો છો. તેનાથી તમારા ખિસ્સા પર બોજ નથી વધતો અને તમારું રોકાણ પણ સુરક્ષિત બને છે. આવી સ્થિતિમાં તમારે દર મહિને SIPમાં કેટલા પૈસા જમા કરવા પડશે. જેથી 1 કરોડ રૂપિયાનું ફંડ તૈયાર થઈ જાય? ચાલો જણાવીએ
જો તમે રૂપિયા 1 કરોડનું ફંડ બનાવવા માટે SIPમાં રોકાણ કરવા માંગો છો, તો તમારે કેટલીક બાબતો ધ્યાનમાં રાખવી પડશે.
સમયમર્યાદા : તમારે જ્યારે રૂપિયા 1 કરોડનું ફંડ તૈયાર કરવું હોય ત્યારે તમારે એક નિશ્ચિત સમયમર્યાદા તૈયાર કરવી પડશે. જો તમે કોઈ સમયમર્યાદા નક્કી નહીં કરો, તો તમને દર મહિને કેટલું રોકાણ કરવું તે નક્કી કરવામાં મુશ્કેલી પડશે.
ફુગાવાને ધ્યાનમાં લેવું : ધારો કે તમે 10 વર્ષ માટે 1 કરોડ રૂપિયાનું ફંડ તૈયાર કરવા માગો છો. આવી સ્થિતિમાં તમારે મોંઘવારીનો પણ અંદાજ કાઢવો પડશે. કારણ કે પછી તમારા માટે 1 કરોડ રૂપિયાનું ફંડ પૂરતું રહેશે કે નહીં તે મોંઘવારીના સ્તર પર નિર્ભર કરશે.
ખરેખર તમારે આટલા ફંડની જરૂર પડશે : તમે આજે 10 વર્ષ માટે 1 કરોડ રૂપિયાનું ફંડ બનાવવાનું વિચારી રહ્યા છો, પરંતુ જો દર વર્ષે મોંઘવારી દર 7 ટકા રહે છે, તો તમારે 1 કરોડ રૂપિયાની નહીં પરંતુ 1,96,71,514 રૂપિયાની જરૂર પડશે. કારણ કે ત્યાં સુધીમાં તમારા 1 કરોડ રૂપિયાની કિંમત ઘટી જશે. હવે તમે તે મુજબ તમારી માસિક SIP ની ગણતરી કરી શકો છો.
આટલી રકમ દર મહિને જમા કરાવવાની રહેશે : જો તમે ઉપરોક્ત ગણતરીઓને ધ્યાનમાં રાખો, તો 10 વર્ષમાં 1 કરોડ રૂપિયાનું ફંડ બનાવવા માટે તમારે દર મહિને લગભગ 70,500 રૂપિયા જમા કરાવવા પડશે, તો તમારું કુલ ફંડ 1,96,45,338 રૂપિયા થશે. આમાં SIP પર વાર્ષિક વળતરની ગણતરી 15% કરવામાં આવી છે.