હળદરથી ટામેટા સુધીની ચીજવસ્તુના ભાવવધારાએ, સામાન્ય લોકોના રસોડાના બજેટને ખોરવી નાખ્યું

દેશભરમાં ટામેટાંના ભાવવધારાથી લોકો પરેશાન થઈ ગયા છે. ત્યાં જ હવે આદુ, ડુંગળી, હળદર અને જીરાના ભાવ વધારાએ પણ લોકોને રડાવી દીધા છે. દિવસેને દિવસે વધતી જતી મોંઘવારી, સામાન્ય માણસના રસોડામાં વિલન બની ગઈ છે, જેના કારણે સામાન્ય માણસના ખિસ્સા અને બજેટ પર બોજ વધી રહ્યો છે. દરમિયાન, દિલ્હીના વેપારીઓનો દાવો છે કે છેલ્લા ત્રણ મહિનામાં દાળ, ચોખા, હળદર અને જીરાના ભાવમાં પણ 30 થી 40 ટકાનો વધારો થયો છે. આવી સ્થિતિમાં બજારના વેપારીઓનું કહેવું છે કે, આગામી દિવસોમાં આ વસ્તુઓના ભાવમાં વધુ વધારો થઈ શકે છે.

હાલમાં ટામેટા, આદુ, લીલા મરચા અને કેપ્સીકમના ભાવમાં સૌથી વધુ વધારો થયો છે. જો કે આ ભાવ વધારો ચોમાસાને લઈને હોવાનું પણ કહેવાઈ રહ્યું છે. ચોમાસામાં ઠેર ઠેર વરસેલા ભારે વરસાદને પગલે, પાકનો નાશ થયો છે. તો બીજી બાજુ જે પ્રદેશમાં આ પાકે છે ત્યાંથી પરપ્રાંતમાં માલ મોકલવા માટે જરૂરી માર્ગ વ્યવહાર ચોમાસાના અતિભારે વરસાદને કારણે ખરાબ થઈ જવાને કારણે પુરવઠો પણ ખોરવાઈ ગયો છે.  જેના કારણે ભાવ વધારો થયો હોવાનું કહેવાઈ રહ્યું છે.

ડુંગળી હવે 20 રૂપિયાથી 25 રૂપિયા પ્રતિ કિલો અને લીલા ધાણા 80 રૂપિયાથી વધીને 200 રૂપિયા પ્રતિ કિલો થઈ ગઈ છે. 150 રૂપિયે કિલો મળતું આદુ હવે 320થી 400 રૂપિયે કિલો વેચાઈ રહ્યું છે. ચાલો જાણીએ હળદર, જીરું અને અન્ય મસાલાની શું સ્થિતિ છે.

Web Stories View more

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

Winter Tips : ધાબળામાં આવતી વાસ થશે છૂમંતર, અપનાવો આ ટિપ્સ

જર્મનીમાં ન્યૂઝ9 ગ્લોબલ સમિટની શાનદાર શરૂઆત, જુઓ તસવીરોમાં ત્યાંની ઝલક

જસપ્રીત બુમરાહ કરતા 7 ગણો વધુ અમીર છે ઓસ્ટ્રેલિયન કેપ્ટન

મસાલા પણ કિંમતની દૃષ્ટિએ અનેક ગણા મોંઘા થઈ ગયા છે

છેલ્લા એક મહિનામાં જીરું રૂ.250 મોંઘુ થયું છે. જીરું જે એક મહિના પહેલા રૂ.500 પ્રતિ કિલો હતું તે હવે રૂ.750 પ્રતિ કિલોએ પહોંચી ગયું છે. રસોડામાં વપરાતા મસાલા બજેટની દૃષ્ટિએ પણ સ્વાદને બગાડી રહ્યા છે. જીરું દરેક ઘરની જરૂરિયાત છે. તેથી જીરૂ અને અન્ય મસાલાની માંગ વધુ હોવાથી ભાવમાં વધારો થયો છે.

આ વસ્તુઓના વધતા ભાવ

જીરું 500– રૂ 750 કિલો હળદર 130—–180 રૂપિયા કિલો લાલ મરચું 250–300 રૂપિયા કિલો ગ્રામ દાળ 66–70 રૂપિયા પ્રતિ કિલો ટામેટા 200–210 રૂપિયા કિલો ડુંગળી 20–25 રૂપિયા કિલો કેપ્સીકમ 100–160 રૂપિયા કિ.ગ્રા સરસવનું તેલ 120 125 રૂપિયા લીટર

બિઝનેસના તમામ સમાચાર વાંચવા માટે અહીં ક્લિક કરો