ગ્રાસિમ અને લુબ્રિઝોલ વિલાયત જીઆઇડીસીમાં CPVC Resin Plantની સ્થાપના કરશે, કોરોના મહામારીના કારણે પ્રોજેક્ટ વિલંબમાં મુકાયો હતો

આદિત્ય બિરલા ગ્રૂપ(Aditya Birla Group)ની ફ્લેગશિપ કંપની અને ભરૂચ જિલ્લાના વાગરા તાલુકામાં આવેલ ગ્રાસિમ ઇન્ડસ્ટ્રીઝ લિમિટેડ(Grasim Industries Limited) આ વર્ષના અંતમાં વિલાયત જીઆઇડીસી(Vilayat Gidc) સ્થિત તેના યુનિટ ખાતે લુબ્રિઝોલ ઇન્ડિયા લિમિટેડ સાથે ક્લોરિનેટેડ પોલિવિનાઇલ ક્લોરાઇડ (CPVC) રેઝિન-મેન્યુફેક્ચરિંગ પ્લાન્ટ પર કામ શરૂ કરશે આદિત્ય બિરલા ગ્રૂપની ફ્લેગશિપ કંપનીએ 19 જૂને આ માહિતી આપી હતી.CPVC એ ઘણા ઉદ્યોગો માટે આવશ્યક થર્મોપ્લાસ્ટિક છે કારણ કે તેનો ઉપયોગ પાણીની પાઈપો અને ઔદ્યોગિક લિક્વિડ હેન્ડલિંગમાં થાય છે.

ગુજરાતમાં ઉત્પાદન કરાશે

આ પ્લાન્ટ ગુજરાતના વિલાયતમાં સ્થાપવામાં આવી રહ્યો છે જેની ઉત્પાદન ક્ષમતા લગભગ 1,00,000 મેટ્રિક ટન છે તેમ કંપનીએ એક્સચેન્જ ફાઇલિંગમાં જણાવ્યું હતું. પ્રોજેક્ટ અમલીકરણ યોજનાને અંતિમ સ્વરૂપ આપવામાં આવી રહ્યું છે અને ટૂંક સમયમાં વિગતો શેર કરવામાં આવશે તેમ કંપનીએ ઉમેર્યું હતું.

30 ઑક્ટોબર 2020 ના રોજ બંને કંપનીઓએ પ્લાન્ટ વિશે જાહેરાત કરી હતી પરંતુ કોરોનાવાયરસ મહામારી ફાટી નકલી હતી જેના કારણે લોકડાઉન અને સપ્લાય ચેઇનમાં વિક્ષેપ પડ્યો હતો જે માટે  પ્રોજેક્ટનું કામ શરૂ થતું અટકાવ્યું હતું.

આ પણ વાંચો :શું તમને સુમન મહાજન, સુસ્મિતા નાગ અને તુષાર કાંતિ મંડલ તરફથી શેરબજારમાં રાતોરાત કરોડપતિ બનાવવાની ઓફર મળી છે? વાંચો NSE ની આ ચેતવણી

કંપનીએ ચોથા ક્વાર્ટરમાં રૂપિયા 93.5 કરોડનો ચોખ્ખો નફો નોંધાવ્યો હતો

ગ્રાસિમ ઇન્ડસ્ટ્રીઝે FY23 ના ચોથા ક્વાર્ટરમાં રૂ. 93.5 કરોડનો ચોખ્ખો નફો નોંધાવ્યો હતો, જે એક વર્ષ અગાઉના ગાળામાં રૂ. 814 કરોડથી વાર્ષિક ધોરણે 88.5 ટકાનો તીવ્ર ઘટાડો દર્શાવે છે. ચોખ્ખો નફો પણ અગ્રણી મીડિયા રિપોર્ટના રૂ. 329 કરોડના અંદાજ કરતાં નોંધપાત્ર રીતે ઓછો હતો.

ગ્રાસિમે જણાવ્યું હતું કે, “ક્વાર્ટર માટે સ્ટેન્ડઅલોન PAT ગયા વર્ષના Q4 ના એલિવેટેડ સ્તરની તુલનામાં રસાયણોના વ્યવસાયમાં અનુભૂતિમાં નરમાઈ અને VSF (વિસ્કોસ સ્ટેપલ ફાઇબર) વ્યવસાયમાં વૈશ્વિક નબળાઈને કારણે અસર થઈ હતી,” ગ્રાસિમે જણાવ્યું હતું.

શેરબજારમાં કારોબાર

આજે કંપનીનો શેર બપોરે 1.30 વાગે લાલ નિશાન નીચે કારોબાર કરી રહ્યો છે. આજે 19 જૂનના રોજ શેર  1,781.25 ઉપર ખુલ્યો હતો જેનું ઉપલું બપોરે 1.30 વાગે ઉપલું  સ્તર 1,793.00 અને નીચલી સપાટી 1,761.60 હતી. શેરની 52 સપ્તાહની ઊંચી સપાટી 1,839.30 જયારે આ સમયની નીચલી સપાટી 1,285.10 છે.