LIC પોલિસી ધારકો માટે સારા સમાચાર! હવે તમે આ રીતે પણ LIC પ્રીમિયમ ચૂકવી શકશો, જાણો પ્રક્રિયા
જો તમારી પાસે પણ દેશની સૌથી મોટી વીમા કંપની જીવન વીમા નિગમ (LIC) ની વીમા પોલિસી છે તો તમારા માટે એક મહત્વપૂર્ણ સમાચાર છે.
જો તમારી પાસે પણ દેશની સૌથી મોટી વીમા કંપની જીવન વીમા નિગમ (LIC) ની વીમા પોલિસી છે તો તમારા માટે એક મહત્વપૂર્ણ સમાચાર છે. LIC પોલિસી ધારકોને હાલ મોબાઇલ એપ્લિકેશન અથવા વેબસાઇટ દ્વારા ડિજિટલ ચુકવણીની સુવિધા મળી રહી છે અને હવે તેમાં બીજી નવી સેવા ઉમેરવામાં આવી છે. હવે તમે Paytmથી પોલિસી પ્રીમિયમ ચૂકવી શકો છો. LICએ તેની તમામ ડિજિટલ પેમેન્ટ સુવિધાઓ પ્રદાન કરવા માટે Paytmની નિમણૂક કરી.
Paytm અને LIC વચ્ચે ડિજિટલ ચુકવણી કરાર મીડિયા રિપોર્ટ્સ અનુસાર LICની ડિજિટલ પેમેન્ટ સુવિધા માટે 17 પેમેન્ટ ગેટવેએ બિડ લગાવી હતી. મલ્ટીપલ પેમેન્ટ સર્વિસિસમાં Paytmની મજબૂત હાજરી તેના પક્ષમાં કામ કરતી હતી જ્યારે બાકીના પેમેન્ટ ગેટવે ફક્ત અમુક સેગમેન્ટમાં સારા હતા જેમ કે UPI અથવા Cards. નવા કરારથી ચુકવણી પ્રક્રિયા સરળ બનશે. વધુ ચુકવણીનાં વિકલ્પો ઉપલબ્ધ થશે અને વોલેટ્સ અને બેન્કો જેવા વધુ પ્લેયર્સ તેમાં સામેલ થશે.
આ રીતે LIC નું પ્રીમિયમ ચૂકવી શકાશે LICએ Paytm પાસેથી માત્ર પ્રીમિયમ ચુકવણી જ નહિ પરંતુ વીમા એજન્ટો પાસેથી નાણાંની વસૂલાત સહિત ડિજિટલ રીતે તમામ પ્રકારના કલેક્શન કરવાની પણ તૈયારી કરી છે. જોકે, જેમની પાસે LIC POLICY છે તેઓ Paytm પહેલાં પણ પોતાનું પ્રીમિયમ ચુકવતા હતા. આ ઉપરાંત ગૂગલપે, ફોનપે દ્વારા પણ કરી શકાય છે. Paytm પર જાઓ અને LIC શોધો, અહીં તમારે તમારો પોલિસી નંબર દાખલ કરવો પડશે. તમે પોલિસી નંબર દાખલ કરો છો ત્યારે પ્રીમિયમ જોશો. આગળ વધો ક્લિક કરો અને ચુકવણી પૂર્ણ કરો.
Latest News Updates
