Gold Hallmarking ને લઈને BISએ દુર કરી ઘણી મુંઝવણો, આપી મહત્વની જાણકારી
Gold Hallmarking: ફરજિયાત હોલમાર્કિંગના સરળ અમલીકરણ માટે પગલાં સૂચવવા માટે એક સલાહકાર સમિતિની રચના કરવામાં આવી હતી, 6 બેઠકો પછી તેનો રીપોર્ટ રજૂ કરવામાં આવ્યો છે.
Gold Hallmarking: દેશમાં સોનાના દાગીના પર ફરજિયાત હોલમાર્કિંગના નિયમને લઈને લોકોમાં ઘણા પ્રકારની મુંઝવણો અને ગેરમાન્યતા દોરતી માહિતી પણ ફેલાઈ રહી છે. સામાન્ય લોકો તેમજ જ્વેલર્સ પણ ચિંતિત છે કે જ્યાં હોલમાર્કિંગ સિસ્ટમ નથી ત્યાં શું થશે. શું દરેક દુકાનદારે BIS એટલે કે ભારતીય માનક બ્યુરોની સાઇટ પર વેચાણની વિગતો અપલોડ કરવી પડશે? બીઆઈએસના ડિરેક્ટર જનરલ પ્રમોદ કુમાર તિવારીએ આવી ઘણી મૂંઝવણો દૂર કરતી મહત્વની જાણકારી આપી છે.
ઘરેણા પર હોલમાર્કિંગના પ્રગતિ અંગે એક પ્રેસ કોન્ફરન્સમાં તેમણે જણાવ્યું હતું કે, “હોલમાર્કિંગ સ્કીમને મોટી સફળતા મળી રહી છે અને ટૂંકા ગાળામાં 1 કરોડથી વધુ જ્વેલરીને હોલમાર્ક કરવામાં આવી છે. આ સમયગાળા દરમિયાન, 90,000 થી વધુ ઘરેણાં ઉત્પાદકોએ પણ નોંધણી કરાવી છે. રજિસ્ટર્ડ ઘરેણાં-ઉત્પાદકોની સંખ્યા વધીને 91,603 થઈ ગઈ છે. ”
હોલમાર્કીંગ સાથે જોડાયેલાં તથ્યોને જાણીએ
1. માત્ર AHC ધરાવતા 256 જિલ્લાઓમાં હોલમાર્કિંગ ફરજિયાત કરવામાં આવ્યું છે.
2. એકવાર નવી સિસ્ટમ સંપૂર્ણપણે અમલમાં આવી ગયા બાદ, તેને જ્વેલર્સ અને ગ્રાહકોના સ્તર પર લાગુ કરવાની હતી.
3. રજીસ્ટ્રેશન પ્રક્રિયા સરળ બનાવવામાં આવી અને નોંધણી ફી માફ કરવામાં આવી.
4. 20, 23 અને 24 કેરેટના સોનાના દાગીનાના હોલમાર્કિંગની મંજૂરી આપવામાં આવી છે.
5. સમાન શુદ્ધતા વાળા નાના મિશ્રિત લોટના હોલમાર્કિંગને મંજૂરી આપવા માટે ભારતીય ધોરણમાં સુધારો કરવામાં આવ્યો.
6. AHC સ્તરે પણ જ્વેલરી સોંપવા માટેના સોફ્ટવેરને અપગ્રેડ કરવામાં આવ્યું.
7. મુખ્યાલય અને શાખા કચેરીઓમાં હેલ્પ ડેસ્કની સ્થાપના કરવામાં આવી અને અત્યાર સુધીમાં 300 જાગૃતિ શિબિરનું આયોજન કરવામાં આવ્યું.
8. સલાહકાર સમિતિએ હોલમાર્કિંગ સાથે જોડાયેલી સમસ્યાઓની સંપૂર્ણ સમીક્ષા કરી છે અને તેનો અહેવાલ ડીઓસીએ (DOCA) ને સોંપવામાં આવ્યો છે.
256 જિલ્લાઓમાં સતત હોલમાર્કિંગ કરવામાં આવી રહ્યું છે
BIS ના મહાનિર્દેશકે એ દાવાને ફગાવી દીધો કે માંગને પહોંચી વળવા માટે 256 જિલ્લાઓમાં AHC ની ક્ષમતા પૂરતી નથી. ડેટા શેર કરતાં તેમણે કહ્યું કે 1 ઓગસ્ટથી 15 ઓગસ્ટ 2021 સુધી ઘરેણાં મેળવનારા 853 એએચસીમાંથી માત્ર 161 એએચસીને દરરોજ 500 થી વધુ ઘરેણાં મળ્યા અને 300 એએચસીને દરરોજ 100 થી ઓછા ઘરેણાં મળ્યા. આમ, દેશમાં ઓછી ક્ષમતાનો ઉપયોગ થયો છે.
તેમણે કહ્યું કે AHC ની કામગીરીની નિયમિત સમીક્ષા કરવામાં આવી રહી છે અને તેમને FIFO ના સિદ્ધાંતને અનુસરવાની સૂચના આપવામાં આવી છે. AHC ની પહોંચ સુધારવા માટે DOCAને પણ પ્રસ્તાવ પણ મોકલવામાં આવ્યો છે.
સરકાર જ્વેલરી ઉદ્યોગની માગ પ્રત્યે સંવેદનશીલ છે
તેમણે કહ્યું કે સરકાર જ્વેલરી ઉદ્યોગની માંગણીઓ માટે સુલભ અને સંવેદનશીલ છે, તેમજ તેમની વાસ્તવિક માંગણીઓ માટે પ્રશંસા અને સમાયોજનની અનુકરણીય ભાવના રાખવામાં આવે છે. ફરજિયાત હોલમાર્કિંગના સરળ અમલીકરણ માટેના પગલાં સૂચવવા માટે એક સલાહકાર સમિતિની રચના કરવામાં આવી હતી, જેનો અહેવાલ 6 બેઠકો પછી રજૂ કરવામાં આવ્યો છે. 19 ઓગસ્ટ, 2021 ના રોજ યોજાયેલી બેઠકમાં, કેટલાક સંગઠનોના પ્રતિનિધિઓએ હડતાલ યોજનાની નિંદા કરી હતી અને HUID આધારિત હોલમાર્કિંગ યોજનાને સંપૂર્ણ ટેકો આપ્યો હતો.
BIS પોર્ટલ પર વેચાણની વિગતો અપલોડ કરવી જરૂરી નહી.
BIS ના મહાનિર્દેશકે સ્પષ્ટતા કરી હતી કે BIS જ્વેલરીની બી-ટુ-બી હિલચાલ પર નજર રાખી રહી છે અને જ્વેલર્સ BIS પોર્ટલ પર તેમના વેચાણની વિગતો અપલોડ કરવા માટે જરૂરી છે તે માહિતી સંપૂર્ણપણે ખોટી છે.
તેમણે ભારપૂર્વક જણાવ્યું હતું કે આ યોજના સંપૂર્ણ રીતે સફળ રહી છે અને એક કરોડથી વધુ જ્વેલરીના હોલમાર્કિંગ બાદ યોજનાને મુલતવી રાખવાની કે પાછી ખેંચવાની વાત કરવી અર્થહીન છે. તેમણે પુનરાવર્તન કર્યું કે HUID આધારિત હોલમાર્કિંગ બધા માટે ફાયદાકારક છે, કારણ કે તે આ ઉદ્યોગના કામકાજમાં પારદર્શિતા લાવે છે, ગ્રાહકોને તેમના પૈસાના બદલામાં યોગ્ય માલ મેળવવાનો અધિકાર સુનિશ્ચિત કરે છે.
તેમણે આ ઉદ્યોગ સાથે જોડાયેલા લોકોને અપીલ કરી હતી કે તેઓ આ યોજનાના અમલીકરણમાં તેમનો સંપૂર્ણ સહકાર આપે અને હડતાલથી દૂર રહે અને સરકાર તેમની વાસ્તવિક માંગણીઓને પૂર્ણ કરવા માટે સંપૂર્ણ રીતે પ્રતિબદ્ધ છે.
આ પણ વાંચો : Raksha Bandhan : કારોબારની દુનિયામાં ડંકો વગાડનાર ભાઈ-બહેન, જાણો અંબાણીથી લઈ પોદ્દાર પરિવારના કોણ છે એ સંતાન ?
Latest News Updates
