વોલમાર્ટની માલિકીની ફ્લિપકાર્ટે(flipkart) તેની લોજિસ્ટિક્સ અને ડેટા સેન્ટર ક્ષમતાઓને મજબૂત કરવા માટે અદાણી(અદાણી) જૂથ સાથે વ્યાપારી ભાગીદારી કરી હોવાની કંપનીએ માહિતી જારી કરી છે. આ ભાગીદારી અંતર્ગત લગભગ 2500 લોકોને સીધી રોજગાર અપાશે.
ફ્લિપકાર્ટ સાથે અદાણી પોર્ટ્સ લિમિટેડ અને સ્પેશિયલ ઇકોનોમિક ઝોન લિમિટેડની સંપૂર્ણ માલિકીની પેટાકંપની અદાણી લોજિસ્ટિક્સ લિમિટેડ આ ભાગીદારીના ભાગ રૂપે સપ્લાય ચેઇન ઇન્ફ્રાસ્ટ્રક્ચરને મજબૂત બનાવવા અને ગ્રાહકોને ઝડપી સેવાઓ પૂરી પાડવા માટે કામ કરશે. કંપનીના નિવેદનમાં જણાવ્યા મુજબ આ કમ્પનીઓ સાથે મળીને કામ કરશે જોકે આ ભાગીદારીની નાણાકીય વિગતો જાહેર કરવામાં આવીનથી.
અદાણી લોજિસ્ટિક્સ લિમિટેડ મુંબઈમાં તેના આગામી લોજિસ્ટિક્સ હબ ખાતે 5.34 લાખ ચોરસ ફૂટનો વેરહાઉસ બનાવશે જે પશ્ચિમ ભારતમાં ઇ-કોમર્સની વધતી માંગને પહોંચી વળવા માટે ફ્લિપકાર્ટને ભાડે આપવામાં આવશે. આ ઉપરાંત ફ્લિપકાર્ટ અદાણીકોનેક્સના ચેન્નઈ પ્લાન્ટમાં પોતાનું ત્રીજું ડેટા સેન્ટર સ્થાપશે. અદાનીકોનેક્સ એ એજકોનેક્સ અને અદાણી એન્ટરપ્રાઇઝ લિમિટેડ વચ્ચેનું સંયુક્ત સાહસ છે.
કંપનીને જણાવવામાં આવ્યું હતું કે આ ભાગીદારી ફ્લિપકાર્ટની સપ્લાય ચેનને મજબુત બનાવશે, નાના અને મધ્યમ ઉદ્યોગોને મદદ કરશે અને 2500 લોકોને સીધી અને પરોક્ષ રોજગારી આપશે.
નિવેદનમાં કહેવામાં આવ્યું છે કે આ કેન્દ્ર અત્યાધુનિક તકનીકીઓથી સજ્જ હશે અને 2022 ના ત્રીજા ક્વાર્ટરમાં કાર્યરત થવાની અપેક્ષા છે. આ કેન્દ્રમાં એક કરોડ એકમો માટે સુવિધા ઉપલબ્ધ રાખવાની ક્ષમતા હશે.
Published On - 12:58 pm, Mon, 12 April 21