Fake Currency Notes : ATM માંથી નકલી ચલણી નોટ નીકળે તો શું કરવું? વહેલી તકે કરશો આ કામ તો નુકસાનમાંથી બચી જશો
RBIએ નકલી નોટોને ઓળખવા માટે કેટલીક પદ્ધતિઓ આપી છે. જો 100 રૂપિયાની નોટનો મામલો હોય તો સૌથી પહેલા તમારે 100 રૂપિયાની અસલ નોટને ધ્યાનથી જોવી પડશે. તેની બંને બાજુએ 100 દેવનાગરી લિપિમાં લખાયેલું છે. મહાત્મા ગાંધીનો ફોટો મધ્યમાં રહે છે.currency, fake currency, AY
Fake Currency Notes: આજકાલ ડિજિટલ વ્યવહારો સામાન્ય છે પરંતુ હજુ પણ ઘણી જગ્યાએ રોકડ વગર કામ આગળ ચાલતું નથી. આ સ્થિતિમાં આપણે એટીએમમાંથી પૈસા ઉપાડવાનું વધુ પસંદ કરીએ છીએ. વિચારો કે એટીએમમાંથી નીકળેલી નોટ નકલી હોય તો તમે શું કરવું? શું બેંક તેના પર કાર્યવાહી કરશે? શું તે તમારા પૈસા પરત મળશે? આ એક સામાન્ય પ્રશ્ન છે અને આજે અમે તમને જણાવીશું કે જો તમને ATMમાંથી નકલી નોટ મળી જશે તો તમે શું કરવું જોઈએ. રિપોર્ટ અનુસાર હાલમાં દેશમાં 30 લાખ કરોડ રૂપિયાના ટ્રાન્ઝેક્શન કેશ અથવા કરન્સીમાં થઈ રહ્યા છે. આવી સ્થિતિમાં એટીએમમાંથી નકલી નોટ મળવાની પણ શંકા રહે છે. જો એવું હોય તો તમે તરત જ થોડી તકેદારી રાખીને તમારા પૈસા પાછા મેળવી શકો છો.
નકલી નોટ જણાય તો તરત જ કરો આ કામ
- જો તમે ATMમાંથી પૈસા ઉપાડી રહ્યા છો અને તમને લાગે છે કે આ નોટ અસલી નથી તો સૌથી પહેલા તેનો ફોટો લઈ લો
- આ પછી એટીએમમાં લાગેલા સીસીટીવી કેમેરાની સામે નોટને ઊંધી બતાવો. જેથી કેમેરામાં રેકોર્ડ થઈ શકે કે આ નોટ એટીએમમાંથી જ બહાર આવી છે.
- હવે આ ટ્રાન્ઝેક્શનની રસીદ લો અને તમારી સાથે ફોટો ખેંચીને સેવ કરો.
- હવે એટીએમમાંથી નીકળેલી નોટ અને રસીદ લઈને બેંકમાં જાઓ.
- આ સમગ્ર મામલા વિશે બેંકરને જાણ કરો. અહીં તમને એક ફોર્મ આપવામાં આવશે. જે ભરીને તમારે તેને રસીદ અને નકલી નોટ સાથે બેંકને આપવાની રહેશે.
- બેંક આ નકલી નોટની તપાસ કરશે અને પછી તમને અસલી નોટ આપશે.
આ રીતે ઓળખો અસલી-નકલી નોટ
RBIએ નકલી નોટોને ઓળખવા માટે કેટલીક પદ્ધતિઓ આપી છે. જો 100 રૂપિયાની નોટનો મામલો હોય તો સૌથી પહેલા તમારે 100 રૂપિયાની અસલ નોટને ધ્યાનથી જોવી પડશે. તેની બંને બાજુએ 100 દેવનાગરી લિપિમાં લખાયેલું છે. મહાત્મા ગાંધીનો ફોટો મધ્યમાં રહે છે. તેવી જ રીતે અન્ય નોટમાં આગળની બાજુએ સુરક્ષાનો થ્રેડ છે. જો તમે તેને ટોર્ચ અથવા યુવી લાઇટ હેઠળ જોશો તો તે પીળા રંગમાં દેખાશે. આ રીતે તમે નકલી-અસલ નોટોને ઓળખી શકો છો.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ જિલ્લાના સમાચાર વાંચવા માટે જોડાયેલા રહો…