Breaking News: ઈંગ્લિશ લીગમાં ભારતીય ખેલાડીઓનો દબદબો, સ્મૃતિ મંધાનાને £50,000 નો મોટો કરાર

તાજેતરના સમયમાં ભારતીય મહિલા ક્રિકેટ ટીમના પ્રદર્શનને કારણે વિશ્વભરની T20 લીગોમાં ભારતીય ખેલાડીઓની માંગ નોંધપાત્ર રીતે વધી રહી છે. ખાસ કરીને ICC મહિલા ODI વર્લ્ડ કપ 2025 જીત્યા બાદ ભારતીય ખેલાડીઓ પ્રત્યે ફ્રેન્ચાઈઝીઓનો રસ વધુ જોવા મળી રહ્યો છે. આ જ કારણે ઈંગ્લેન્ડની ફેમસ લીગ ‘ધ હન્ડ્રેડ’ના મહિલા ડ્રાફ્ટમાં પણ ભારતીય ખેલાડીઓ પર ખાસ નજર રહી હતી.

ધ હન્ડ્રેડમાં ભારતીય ખેલાડીઓનો દબદબો

બુધવાર, 11 માર્ચે યોજાયેલી આ હરાજીમાં કુલ 178 ખેલાડીઓ પર બોલી લાગી હતી. તેમાં અનેક દેશોની ખેલાડીઓ સામેલ હત. જેમાં ભારતીય ખેલાડીઓનો દબદબો જોવા મળ્યો હતો. કેટલીક ખેલાડીઓને મોટો કરાર મળ્યો, જ્યારે કેટલીક ખેલાડીઓ ડ્રાફ્ટમાં અનસોલ્ડ રહ્યા.

રિચા ઘોષ 61 લાખ રૂપિયામાં ટીમમાં સામેલ

ભારતીય મહિલા ટીમની વિકેટકીપર-બેટ્સમેન રિચા ઘોષને માન્ચેસ્ટર સુપર જાયન્ટ્સે £50,000 (લગભગ 61 લાખ રૂપિયા)માં પોતાની ટીમમાં સામેલ કરી હતી. રસપ્રદ વાત એ રહી કે રિચા માટે આ ફ્રેન્ચાઇઝી એકમાત્ર બોલી લગાવનાર ટીમ હતી. તેમ છતાં ટીમે તેમને મહત્વપૂર્ણ ખેલાડી તરીકે પસંદગી આપી.

Indian stars in The Hundred Women’s 2026

Smriti Mandhana – Manchester Originals (Pre-signed) Richa Ghosh – Manchester Originals – £50,000 (₹61.8 lakh) Jemimah Rodrigues – Southern Brave (Pre-signed) Deepti Sharma – Sunrisers Leeds – £27,500 (₹34 lakh)

Indian… pic.twitter.com/8XKqmAgOM0

— IndiaSportsHub (@IndiaSportsHub) March 12, 2026

માન્ચેસ્ટર સુપર જાયન્ટ્સે મંધાનાને ટીમમાં સામેલ કરી

આ સાથે જ ભારતીય ટીમની સ્ટાર ઓપનર સ્મૃતિ મંધાનાને પણ માન્ચેસ્ટર સુપર જાયન્ટ્સે હરાજી પહેલા જ સીધા કરાર હેઠળ પોતાની ટીમમાં સામેલ કરી હતી. મંધાનાની સાથે ઓસ્ટ્રેલિયાની અનુભવી બેટર મેગ લેનિંગને પણ ટીમમાં સ્થાન આપવામાં આવ્યું છે, જ્યારે ઈંગ્લેન્ડની સ્પિનર સોફી એક્લેસ્ટોનને ટીમે રિટેન કરી છે.

દીપ્તિ શર્મા સનરાઇઝર્સ લીડ્સમાં રમશે

બીજી તરફ, ભારતીય ઓલરાઉન્ડર દીપ્તિ શર્માને સનરાઇઝર્સ લીડ્સે £27,500 (લગભગ 34 લાખ રૂપિયા)માં પોતાની ટીમમાં સામેલ કરી હતી. દીપ્તિ માટે પણ ખાસ સ્પર્ધા જોવા મળી નહોતી અને ફ્રેન્ચાઇઝીએ સરળતાથી તેને ટીમમાં સામલે કરી હતી. જોકે, ભારતીય ખેલાડીઓ યાસ્તિકા ભાટિયા અને શ્રી ચારણીને આ ડ્રાફ્ટમાં કોઈ ટીમ મળી નહોતી.

21 જુલાઈથી શરૂ થશે લીગ

ટુર્નામેન્ટની વાત કરીએ તો ‘ધ હન્ડ્રેડ’ લીગ 21 જુલાઈથી શરૂ થશે અને 16 ઓગસ્ટે તેનો ફાઇનલ મુકાબલો રમાશે. દરેક મહિલા ફ્રેન્ચાઇઝીને કુલ £880,000નું બજેટ આપવામાં આવ્યું હતું, જેમાંથી ટીમોએ પોતાના ખેલાડીઓની પસંદગી કરી હતી. આ લીગમાં વિશ્વભરની ટોપની મહિલા ક્રિકેટરો ભાગ લેવાની હોવાથી સ્પર્ધા વધુ રોમાંચક બનવાની સંભાવના છે.

Breaking News : અક્ષર પટેલને બહાર રાખવાનો નિર્ણય મોટી ભૂલ, T20 વર્લ્ડ કપ જીત્યા બાદ સૂર્યકુમાર યાદવનો મોટો ખુલાસો