Fake Currency : તમારા ખિસ્સામાં રહેલી 500 રૂપિયાની ચલણી નોટ અસલી છે કે નકલી? આ રીતે જાણો તમને કોઈ છેતર્યા તો નથી ને!!!

કેટલીકવાર તમને ઉતાવળમાં અથવા કોઈ અન્ય કારણોસર નકલી નોટ મળી જાય તો તેને ઓળખવું થોડું મુશ્કેલ બની જાય છે.

500 રૂપિયાની ચલણી નોટ

TV9 Gujarati | Edited By: Ankit Modi | Updated on: Feb 03, 2022 | 8:32 AM

આજની મોંઘવારીમાં જીવન જરૂરિયાતની મોટાભાગની ચીજોની ખરીદી માટે મોટી ચલણી નોટની જરીર પડે છે. મોટી રકમોના પેમેન્ટ પણ 500 (500 rupee Note) અને 2000 (2000 rupee Note) રૂપિયાની નોટથી કરવામાં આવતા હોય છે. ભેજાબાજો નકલી નોટો(Fake Currency Note) બજારમાં ફરી કરી દે છે. કેટલીકવાર તમને ઉતાવળમાં અથવા કોઈ અન્ય કારણોસર નકલી નોટ મળી જાય તો તેને ઓળખવું થોડું મુશ્કેલ બની જાય છે. જો તમે પણ મુંઝવણમાં છો કે તમારા ખિસ્સામાં પડેલી 500 રૂપિયાની નોટ નકલી છે કે અસલી તો ચિંતા કરવાની જરૂર નથી.

આજે અમે તમને એવી 15 રીતો જણાવવા જઈ રહ્યા છીએ જેના દ્વારા તમે સરળતાથી જાણી શકશો કે તમારી નોટ નકલી છે કે અસલી!!! તમારા હાથમાં રહેલી રૂ.500ની નોટ અસલી છે કે નહીં તે આ રીતે ઓળખો.

આગળની તરફ નોટ આ રીતે તપાસો

જ્યારે નોટ લાઇટની સામે મૂકવામાં આવશે ત્યારે અહીં 500 નું લખાણ નજરે પડશે
જો આંખની સામે 45 ડિગ્રીના ખૂણા પર મૂકવામાં આવે તો અહીં 500 નું લખાણ જોવા મળશે
500 દેવનગરીમાં લખવામાં આવ્યું છે
મહાત્મા ગાંધીના ચિત્રની જગ્યા અને સ્થિતિ જૂની ચલણી નોટથી થોડી અલગ છે.
જ્યારે નોટને થોડી ફોલ્ડ કરવામાં આવે ત્યારે સિક્યોરિટી થ્રેડનો રંગ લીલાથી વાદળી થઈ જાય છે.
ગેરંટી ક્લોઝ, ગવર્નરની સહી, પ્રોમિસ ક્લોઝ અને RBI નો લોગો જૂની નોટની સરખામણીમાં જમણી બાજુ છે.
મહાત્મા ગાંધીનું ચિત્ર અને ઇલેક્ટ્રોટાઇપ વોટરમાર્ક છે.
સૌથી ઉપર ડાબી બાજુએ અને સૌથી નીચે સૌથી જમણી બાજુએ લખેલા નંબરો ડાબેથી જમણી તરફ મોટા થાય છે.
લખેલ નંબર 500 રંગ બદલે છે, તેનો રંગ લીલાથી વાદળીમાં બદલાય છે.
જમણી બાજુએ અશોક સ્તંભ અને 500 લખેલું સર્કલ બોક્સ.
જમણી અને ડાબી બાજુએ 5 બ્લીડ લાઇન છે જે રફ છે.