અદાણી પોર્ટે 99 દિવસમાં 100 મિલી. મેટ્રિક ટન કાર્ગો હેન્ડલ વિક્રમ સર્જ્યો, ગ્રોથ અને કામકાજમાં જંગી વૃદ્ધિ
ફ્રેઇટ વોલ્યુમમાં કોવિડ પછીના મજબૂત ઉછાળાને કારણે તેણે વાર્ષિક ધોરણે 8 ટકાની વૃદ્ધિ નોંધાવી છે, એમ તેણે સોમવારે સ્ટોક એક્સચેન્જોને એક નિયમનકારી ફાઇલિંગમાં જણાવ્યું હતું.
અદાણી જૂથ (Adani Ports)ની કંપની અદાણી પોર્ટ્સ એન્ડ સ્પેશિયલ ઈકોનોમિક ઝોને જૂન 2022માં અત્યાર સુધીનો સૌથી વધુ 31.88 મિલિયન મેટ્રિક ટનનો માસિક કાર્ગો હેન્ડલ કર્યો છે, જે વાર્ષિક ધોરણે (year-on-year ) ધોરણે 12 ટકાનો વધારો દર્શાવે છે.અદાણી પોર્ટ્સ અને સ્પેશિયલ ઈકોનોમિક ઝોન એ ભારતમાં સૌથી મોટા કોમર્શિયલ પોર્ટ ઓપરેટર છે જે દેશમાં કાર્ગો હિલચાલના લગભગ એક ચતુર્થાંશ હિસ્સો ધરાવે છે. તે ગુજરાત, મહારાષ્ટ્ર, ગોવા, કેરળ, આંધ્ર પ્રદેશ, તમિલનાડુ અને ઓડિશા રાજ્યોમાં 13 સ્થાનિક બંદરોમાં મજબૂત અંતરિયાળ જોડાણ સાથે હાજરી ધરાવે છે.
જૂનના રેકોર્ડ આંકડાઓ સાથે, કંપનીએ FY23 ના Q1 – એપ્રિલથી જૂન 2022 દરમિયાન 90.89 મિલિયન મેટ્રિક ટન ક્વાર્ટરમાં અત્યાર સુધીનો સૌથી વધુ કાર્ગો હેન્ડલ કર્યો હતો, જે અગાઉના ક્વાર્ટર – જાન્યુઆરીથી માર્ચની સરખામણીમાં 16 ટકા વૃદ્ધિ દર્શાવે છે. 2022. ફ્રેઇટ વોલ્યુમમાં કોવિડ પછીના મજબૂત ઉછાળાને કારણે તેણે વાર્ષિક ધોરણે 8 ટકાની વૃદ્ધિ નોંધાવી છે, એમ તેણે સોમવારે સ્ટોક એક્સચેન્જોને એક નિયમનકારી ફાઇલિંગમાં જણાવ્યું હતું.
ફાઇલિંગમાં ઉમેર્યું હતું કે કોલસાના જથ્થામાં મજબૂત રિકવરી જોવા મળી રહી છે. અન્ય મુખ્ય સેગમેન્ટ્સ કે જે પાછલા મહિનાના વોલ્યુમમાં ઉછાળા તરફ દોરી જાય છે તે ક્રૂડ અને કન્ટેનર છે. “આ માસિક વોલ્યુમ વૃદ્ધિને ચલાવવામાં મદદ કરનાર મુખ્ય બંદરો મુન્દ્રા (21% year-on-year ), હજીરા (16% year-on-year ), કટ્ટુપલ્લી અને એન્નોર સંયુક્ત (38% year-on-year ), અને દહેજ (70% year-on-year ) છે,” ફાઇલિંગમાં ઉમેર્યું.
કંપનીની સફળગાથા
વૈશ્વિક સ્તરે વિવિધિકરણ ધરાવતા અદાણી ગ્રુપના હિસ્સારૂપ અદાણી પોર્ટસ એન્ડ સ્પેશ્યલ ઈકોનોમિક ઝોન લિમિટેડ (APSEZ) પોર્ટ કંપનીમાંથી પોર્ટસ એન્ડ લોજીસ્ટીક્સ પ્લેટફોર્મ તરીકે ઉભરી આવી છે અને તેના પોર્ટ ગેટથી માંડીને કસ્ટમરના ગેટ સુધી એન્ડ-ટુ એન્ડ સોલ્યુશન્સ પૂરાં પાડી રહી છે. વ્યૂહાત્મક સ્થળોએ આવેલાં ગુજરાતમાં મુંદ્રા, દહેજ, તુના અને હજીરા, ઓડીશામાં ધામરા, ગોવામાં માર્મુગોવા, આંધ્ર પ્રદેશમાં ગંગાવરમ, વિશાખાપટ્નમ અને ક્રિશ્નાપટનમ, મહારાષ્ટ્રમાં દીઘી અને ચેન્નાઈમાં એનરોન સહિત 12 પોર્ટસ અને ટર્મિનલ્સ સાથે તે સૌથી મોટી પોર્ટ ડેવલપર અને ઓપરેટર છે, જે દેશની કુલ પોર્ટ ક્ષમતામાંથી 24 ટકાનું પ્રતિનિધિત્વ કરે છે. આ પોર્ટ સાગરકાંઠાના વિસ્તારો અને હિન્ટરલેન્ડમાં વ્યાપક જથ્થો હેન્ડલ કરે છે. કંપની કેરાલામાં વિઝીન્ઝામ ખાતે ટ્રાન્સશીપમેન્ટ પોર્ટ વિકસાવી રહી છે.
Latest News Updates
