તમારું Aadhaar Card ક્યા બેંક એકાઉન્ટ સાથે લિંક થયેલું છે તે તમે ઘરે બેઠા જાણી શકો છો, અનુસરો આ સરળ સ્ટેપ્સ

તમારું આધાર કાર્ડ તમારા કોઈપણ બેંક ખાતા સાથે લિંક થયેલું છે કે કેમ તે જાણવા માટે તમારે બેંક અથવા આધાર કાર્ડ કેન્દ્રની મુલાકાત લેવાની જરૂર નથી.

તમારું Aadhaar Card ક્યા બેંક એકાઉન્ટ સાથે લિંક થયેલું છે તે તમે ઘરે બેઠા જાણી શકો છો, અનુસરો આ સરળ સ્ટેપ્સ
આધાર કાર્ડનું બેન્ક એકાઉન્ટ સાથે લિંક હોવું જરૂરી છે

આધાર કાર્ડ (Aadhaar Card)આપણા જીવનનો એક મહત્વપૂર્ણ ભાગ બની ગયો છે. બેંક ખાતાથી લઈને સરકારી યોજનાઓ સુધીના લાભો મેળવવા માટે આધાર કાર્ડ જરૂરી છે. આવકવેરા સંબંધિત કામો માટે પણ આધાર કાર્ડ જરૂરી છે. મોબાઈલ વોલેટના ઉપયોગમાં પણ આધાર કાર્ડ મહત્વની ભૂમિકા ભજવે છે. તેથી આધાર કાર્ડને બેંક એકાઉન્ટ, મોબાઈલ નંબર અને પાન કાર્ડ સાથે લિંક કરવું જરૂરી છે. આધાર કાર્ડ વગર કોઈપણ જરૂરી કામ કરવું મુશ્કેલ બની શકે છે.

એક માણસ પાસે એક આધાર કાર્ડ હોય છે. આધાર કાર્ડ ભલે એક હોય પણ માણસના ઘણા મોબાઈલ નંબર અને ઘણા બેંક ખાતા હોય છે. તો આ સમયે આધાર કાર્ડ બેંક ખાતા કે મોબાઈલ નંબર સાથે લિંકની સ્થિતિ મૂંઝવણમાં મૂકે છે.

તમારું આધાર કાર્ડ તમારા કોઈપણ બેંક ખાતા સાથે લિંક થયેલું છે કે કેમ તે જાણવા માટે તમારે બેંક અથવા આધાર કાર્ડ કેન્દ્રની મુલાકાત લેવાની જરૂર નથી.

તમારું આધાર કાર્ડ ક્યા બેંક એકાઉન્ટ સાથે લિંક થયેલું છે તે તમે ઘરે બેઠા ઓનલાઈન જાણવા આ સ્ટેપ્સ અનુસરો

  • સૌપ્રથમ UIDAI ની સત્તાવાર વેબસાઇટ www.uidai.gov.in ની મુલાકાત લો
  • અહીં Your Aadhaar and Bank Account લિંક પર ક્લિક કરો.
  • અહીં તમારે તમારો આધાર નંબર અને સુરક્ષા કોડ દાખલ કરવો પડશે.
  • હવે તમારા રજિસ્ટર્ડ મોબાઈલ નંબર પર એક OTP આવશે.
  • UIDAI વેબસાઇટ પર આ OTP દાખલ કરો.
  • અહીં તમે લોગીન કરવાનો વિકલ્પ જોશો. તેના પર ક્લિક કરો.
  • તમે લોગ ઈન થતા જ તમારા આધાર સાથે જોડાયેલા તમામ બેંક ખાતાઓની વિગતો જાહેર થઈ જશે.

આધાર કાર્ડ લોક કરી શકાય છે

આધાર કાર્ડ જારી કરતી સંસ્થા UIDAI તમને તમારા આધાર કાર્ડને લોક કરવાની સુવિધા પણ આપે છે. આધાર કાર્ડ લોક કરવાનો ફાયદો એ છે કે જો તમારું આધાર કાર્ડ ક્યાંક ખોવાઈ જાય તો કોઈ તેનો ઉપયોગ કરી શકશે નહીં. આ રીતે આધાર સાથે જોડાયેલ તમારો ડેટા સુરક્ષિત રહે છે.

આધાર કાર્ડને લૉક કરવા માટે તમારે આધાર સાથે લિંક કરેલા તમારા મોબાઇલ નંબર પરથી 1947 પર GETOTP સંદેશ મોકલવાની જરૂર છે. મેસેજ મોકલ્યા પછી તમારા મોબાઈલ નંબર પર એક OTP આવશે. ‘LOCKUID આધાર નંબર’ લખીને આ OTP 1947 પર પાછા મોકલો. આ રીતે તમારું આધાર કાર્ડ લોક થઈ જશે.

આ પણ વાંચો : IT Refund : આવકવેરા વિભાગે કરદાતાઓને 1.54 લાખ કરોડ રૂપિયા રિફંડ આપ્યું, જાણો તમારા રિફંડનું સ્ટેટ્સ અહેવાલની મદદથી

આ પણ વાંચો : Sovereign Gold Bond : આજે છેલ્લો દિવસ! સોનામાં સસ્તી કિંમતે રોકાણ સાથે વ્યાજનો લાભ આપતી યોજના આજે બંધ થશે

  • Follow us on Facebook

Published On - 7:56 am, Fri, 14 January 22

Click on your DTH Provider to Add TV9 Gujarati