Vastu Tips : ઘરમાં કઈ દિશામાં અને કેવી રીતે અરીસો લગાવવો જોઈએ, જાણો વાસ્તુશાસ્ત્રના મહત્વના નિયમો
વાસ્તુશાસ્ત્ર અનુસાર, ઘર અથવા ઓફિસમાં રાખવામાં આવેલી દરેક વસ્તુ તમારા જીવનને કોઈને કોઈ રીતે પ્રભાવિત કરે છે. આમાંની એક વસ્તુ છે અરીસો. ચાલો જાણીએ વાસ્તુ અને તેનાથી સંબંધિત નિયમો અનુસાર તેનું શું મહત્વ છે.
વાસ્તુ અનુસાર, દરરોજ ઉપયોગમાં લેવાતા અરીસાનો (Mirror) તમારા જીવનના સુખ અને સમૃદ્ધિ સાથે ઘણો સંબંધ છે. પોતાની સુંદરતા જોવા માટે દરેક વ્યક્તિ તેને પોતાના ઘરમાં લગાવે છે. વાસ્તુ અનુસાર દર્પણ, આયનો અથવા કહો કે અરીસામાં એક ઉર્જા હોય છે, જે ઘરમાં સકારાત્મક ઉર્જા વધારવામાં મહત્વની ભૂમિકા ભજવે છે. જ્યોતિષ શાસ્ત્રમાં માનવામાં આવે છે કે ઘરની અંદર અરીસો યોગ્ય દિશામાં રાખવો ખૂબ જ જરૂરી છે. ઘરમાં ઉર્જાનું યોગ્ય સંતુલન જાળવવું એ વાસ્તુનો (Vastu) સૌથી આવશ્યક ઉદ્દેશ્ય છે. તેનાથી તમારા ઘરમાં સકારાત્મક વાતાવરણ બને છે અને સુખ-સમૃદ્ધિ આવે છે. ચાલો જાણીએ અરીસા સાથે સંબંધિત કેટલાક વાસ્તુ નિયમો.
અરીસાને લગતા વાસ્તુ નિયમો
- વાસ્તુશાસ્ત્ર અનુસાર ઘરમાં ચોરસ અરીસો લગાવવો લાભકારી માનવામાં આવે છે. જો તેને તિજોરી કે કબાટની સામે રાખવામાં આવે તો તેમાંથી ધન પ્રાપ્ત થાય છે. ત્યાં ગોળ અરીસો લગાવવો શુભ નથી.
- બેડરૂમમાં હંમેશા અરીસાથી દૂર રહેવું જોઈએ. વાસ્તુ અનુસાર, જો તમારા બેડનું પ્રતિબિંબ બેડરૂમમાં રાખેલા અરીસામાં દેખાય છે, તો તે ઘરમાં ખામીઓનું કારણ બને છે. આનાથી તમારા વિવાહિત જીવન પર ખરાબ અસર પડે છે અને પ્રેમી યુગલમાં પરસ્પર વિશ્વાસ અને સંવાદિતાનો અભાવ પણ જોવા મળે છે.
- તમારા ઘરમાં અરીસો મૂકતી વખતે ધ્યાન રાખો કે તેને પૂર્વ અને ઉત્તર દિશામાં લગાવવો જોઈએ. એવું માનવામાં આવે છે કે ઉત્તર દિશા ધનના દેવતા ભગવાન કુબેરનું કેન્દ્ર છે. તેથી આ દિશા હંમેશા સકારાત્મક રાખવી જોઈએ. વાસ્તુ અનુસાર પશ્ચિમ કે દક્ષિણ દિશામાં અરીસો મૂકવો અશુભ માનવામાં આવે છે.
- જો તમારા ઘરમાં અરીસો તૂટેલો હોય તો તેને તાત્કાલિક દૂર કરો. એવું માનવામાં આવે છે કે તૂટેલા અરીસાથી ઘરની નકારાત્મકતા વધે છે અને આર્થિક નુકસાન પણ થાય છે.
- વાસ્તુ અનુસાર અરીસાને ક્યારેય ગંદા ન રાખવા જોઈએ. ગંદા અરીસાના કારણે ઘરમાં નકારાત્મક ઉર્જાનો પ્રવાહ વધે છે.
(અહીં આપેલી માહિતી ધાર્મિક માન્યતાઓ અને લોક માન્યતાઓ પર આધારિત છે, આના કોઈ વૈજ્ઞાનિક પુરાવા નથી. સામાન્ય હિતને ધ્યાનમાં રાખીને અહીં રજૂ કરવામાં આવ્યા છે.)