ઇલેક્ટ્રિક વાહનો પર સરકાર કેમ આપે છે સબસિડી ? લોકોની સાથે સરકારને પણ થાય છે ફાયદો
પેટ્રોલ અને ડીઝલ વાહનો કરતાં ઇલેક્ટ્રિક વાહનો ઓછા કાર્બન ડાયોક્સાઇડ અને અન્ય પ્રદૂષકોનું ઉત્સર્જન કરે છે. તેનાથી વાયુ પ્રદૂષણ ઘટે છે, જેનાથી સ્વાસ્થ્ય સુધરે છે. ઇલેક્ટ્રિક વાહનોને નવીનીકરણીય ઉર્જાથી ચાર્જ કરવામાં આવે છે, જેથી તેઓ સંપૂર્ણપણે પ્રદૂષણ મુક્ત રહે છે.
દેશમાં ઈલેક્ટ્રિક વાહનોને પ્રોત્સાહન આપવા માટે કેન્દ્ર સરકાર અને રાજ્ય સરકારો સબસિડી આપે છે. ઈલેક્ટ્રિક વાહનો પર સબસિડી મળતી હોવાથી ગ્રાહકોને તો ફાયદો થાય છે સાથે સરકારને પણ ફાયદો થાય છે. હવે તમારા મનમાં સવાલ થતો હશે કે સરકારને ફાયદો કેવી રીતે થતો હશે. તો આ લેખમાં અમે તેના વિશે જણાવીશું, પરંતુ આ પહેલા એ જાણી લઈએ કે ઇલેક્ટ્રિક વાહનો પર સરકાર સબસિડી કેમ આપે છે.
સબસિડી શા માટે જરૂરી છે ?
ભારતમાં ઇલેક્ટ્રિક વાહનો પર સબસિડી આપવાના ઘણા ફાયદા છે. સૌપ્રથમ આનાથી લોકો ઓછી કિંમતે પોતાના માટે સારું ઇલેક્ટ્રિક વાહન ખરીદી શકે છે, પછી તે કાર હોય કે સ્કૂટર. સબસિડી આપવાના અન્ય ફાયદા છે, જે પર્યાવરણ, અર્થતંત્ર અને ઉપભોક્તાના હિતોને લગતા છે. જો કે, આ યોજનાને સફળ બનાવવા માટે સરકારે ચાર્જિંગ ઈન્ફ્રાસ્ટ્રક્ચર વિકસાવવા, બેટરી ટેક્નોલોજીમાં રોકાણ કરવા અને લોકોને જાગૃત કરવા માટે વધુ પ્રયત્નો કરવા પડશે.
પર્યાવરણીય લાભ
પેટ્રોલ અને ડીઝલ વાહનો કરતાં ઇલેક્ટ્રિક વાહનો ઓછા કાર્બન ડાયોક્સાઇડ અને અન્ય પ્રદૂષકોનું ઉત્સર્જન કરે છે. તેનાથી વાયુ પ્રદૂષણ ઘટે છે, જેનાથી સ્વાસ્થ્ય સુધરે છે. ઇલેક્ટ્રિક વાહનોને નવીનીકરણીય ઉર્જાથી ચાર્જ કરવામાં આવે છે, જેથી તેઓ સંપૂર્ણપણે પ્રદૂષણ મુક્ત રહે છે.
ઇલેક્ટ્રિક વાહનોમાં ઇંધણનો ખર્ચ ઓછો આવે છે, જે લાંબા ગાળે બચત તરફ દોરી જાય છે. ઈલેક્ટ્રિક વાહનોમાં ઓછા પાર્ટસ હોય છે, જેનાથી મેન્ટેનન્સ ખર્ચ પણ ઓછો આવે છે.
આ રીતે સરકારને ફાયદો થાય છે
ઇલેક્ટ્રિક વાહનોને પ્રોત્સાહન આપવાથી તેલની આયાત પર નિર્ભરતા ઓછી થાય છે, જેનાથી વિદેશી હૂંડિયામણની બચત થાય છે. સ્થાનિક ઉદ્યોગોનો વિકાસ કરીને અને બેટરી અને અન્ય ઇલેક્ટ્રિક વાહન ઘટકોના ઉત્પાદનને પ્રોત્સાહન આપીને નવી નોકરીઓનું સર્જન થાય છે.
ટેકનોલોજી બુસ્ટ
ઇલેક્ટ્રિક વાહનોની વધતી માંગ સંશોધન અને વિકાસને વેગ આપે છે, જે નવી અને અદ્યતન તકનીકોના વિકાસ તરફ દોરી જાય છે. આ તમામ કારણોસર સરકાર ઇલેક્ટ્રિક વાહનોનો ઉપયોગ વધારવા અને સ્વચ્છ અને ટકાઉ પરિવહન વ્યવસ્થા બનાવવા માટે સબસિડી અને અન્ય પ્રોત્સાહનો આપે છે.