Tech Master: સ્માર્ટફોન ચાર્જરના કેટલા પ્રકાર છે ? શા માટે કરવામાં આવે છે ચાર્જર અપગ્રેડ ?

ફોનનું ચાર્જર (Mobile Charger)પણ દિવસેને દિવસે અપગ્રેડ થઈ રહ્યું છે. ચાર્જરના પ્રકારો પણ મોબાઈલની જેમ બદલાઈ રહ્યા છે. દરેક કંપની નવી ટેકનોલોજી સાથે ચાર્જર પણ બનાવી રહી છે. તો આજે આપણે આ ચાર્જર વિશે સમજીએ.

TV9 GUJARATI

| Edited By: Pankaj Tamboliya

Jun 01, 2022 | 7:36 AM

આજકાલ બધા સ્માર્ટફોન (Smartphone)નો ઉપયોગ કરો છે અને દરેક ફોન માટે ચાર્જર પણ મળતુ હોય છે. આજે આપણે તે ચાર્જર વિશે જાણીશું, અગાઉના લેખમાં આપણે ચાર્જર કેટલો પાવર સપ્લાય કરે છે તે જાણ્યુ. જો તમે ન વાંચ્યુ હોય તો લેખના અંતમાં તેની લિંક આપી છે. જેમ જેમ દુનિયા આગળ વધી રહી છે. ત્યારે બધુ એડવાન્સ થઈ રહ્યું છે. કોઈપણ રીતે, આપણને નવી ટેકનોલોજીની જરૂર છે. આવી સ્થિતિમાં ફોનનું ચાર્જર (Mobile Charger)પણ દિવસેને દિવસે અપગ્રેડ થઈ રહ્યું છે. ચાર્જર્સ 5 કે 10 વર્ષ પહેલા જેવા હતા આજે તેવા નથી. ચાર્જરના પ્રકારો પણ મોબાઈલની જેમ બદલાઈ રહ્યા છે. દરેક કંપની નવી ટેકનોલોજી સાથે ચાર્જર પણ બનાવી રહી છે. તો આજે આપણે આ ચાર્જર વિશે સમજીએ.

પહેલા બટન વાળા ફોન આવતા હતા જેમાં લગભગ એક સમાન ચાર્જર આવતા હતા પરંતુ એક સ્માર્ટફોનની સરખામણીએ તે ઘણા સારા માનવામાં આવતા હતા પરંતુ મોબાઈલની બેટરી અને અન્ય ફીચર્સ વધારે બેટરી યુઝ કરવા લાગ્યા તો મોબાઈલ બેટરીની કેપિસિટી અને ચાર્જિંગ સ્પીડ પણ વધારવી જરૂરી હતી ત્યારે USB ચાર્જર આવવા લાગ્યા.

USB ચાર્જર

USB જેમાં તમને ઘણી સારી ચાર્જિંગ સ્પીડ મળે છે. તેમાં એડેપ્ટર અને USB કેબલનો સમાવેશ થાય છે. અને આ બે અલગ-અલગ પાર્ટ્સમાં મોબાઈલ કંપનીઓ આપે છે પરંતુ ચાર્જરના બે અલગ-અલગ વેરિઅન્ટ બનાવવામાં આવ્યા હતા જેમાં એકમાં એડેપ્ટર સાથે વાયર પહેલેથી જ જોડાયેલ આવે છે અને બીજામાં યુએસબી કેબલ આવે છે.

ટાઈપ C ચાર્જર

ટાઈપ સી ચાર્જરને ચાર્જિંગના સંદર્ભમાં તાજેતરની વધુ સારી ટેક્નોલોજી માનવામાં આવે છે. આમાં તમને USB કેબલ ચાર્જર સ્લોટ બ્લિંક મળે છે. એટલે કે, તમે કોઈપણ જગ્યાએથી કોઈપણ રીતે તમારા સ્માર્ટફોન સાથે ચાર્જિંગ સ્લોટ લગાવી શકો છો, જો તમે USB ચાર્જર અને Type C ચાર્જર વચ્ચેનો તફાવત જોઈએ તો ચાર્જિંગ સ્પીડ અને USB સ્લોટ છે. આ ચાર્જરને USB Type C ચાર્જર પણ કહેવામાં આવે છે.

આ એટલા માટે છે કારણ કે USB Type A માં USB પોર્ટ સપાટ અને થોડા મોટા છે. USB Type B માં, તે USB પોર્ટ પર જોવા મળે છે. અને Type C માં તે સંપૂર્ણપણે ગોળ છે. એટલે કે, તમે આ USB Type C પોર્ટનો ઉપયોગ કોઈપણ બાજુથી કરી શકો છો. આ જ ટેક્નોલોજીનો ઉપયોગ ટાઈપ સી ચાર્જરમાં કરવામાં આવ્યો હતો અને તમે કોઈપણ અન્ય સ્માર્ટફોન અથવા અન્ય ઉપકરણ સાથે કનેક્ટ કરી શકો છો Type C USB સાથે તમે ડેટા ટ્રાન્સફર કરી શકો છો અને ચાર્જિંગ ઘણી વધુ ઝડપે કરી શકો છો.

વાયરલેસ ચાર્જર

આ પછી, જો જોવામાં આવે તો, વાયરલેસ ચાર્જિંગ પણ આવનારી બેસ્ટ ટેક્નોલોજી માનવામાં આવે છે. કારણ કે તે નામ પ્રમાણે વાયરલેસ છે. એટલે કે, કોઈપણ વાયર વિના, તમે તમારા સ્માર્ટફોન અથવા અન્ય ઉપકરણને ચાર્જ કરી શકશો, તે મોટાભાગે સેન્સર દ્વારા સંચાલિત થાય છે. એટલે કે, વાયરલેસ ચાર્જરના સેન્સર દ્વારા સ્માર્ટફોનના સેન્સરને ડિટેક્ટ કરવામાં આવે છે.

તેથી ત્યાર બાદ ડાયરેક્ટ ચાર્જિંગ જ ટ્રાન્સફર થાય છે. એટલે કે વીજળીનું ચાર્જમાં રૂપાંતર થાય છે. વાયરલેસ ચાર્જરને આજે ઘણા લોકો પસંદ કરી રહ્યા છે. કારણ કે વાયર વગર ફોન ચાર્જ કરવો એ એક અલગ જ અહેસાસ છે. પરંતુ આ ચાર્જરની કિંમત ઘણી વધારે છે. અને તમારી પાસે વાયરલેસ ચાર્જર તેમજ તેને સપોર્ટ કરતો સ્માર્ટફોન હોવો જરૂરી છે

Attachable બેટરી ચાર્જર

આમ તો આ ચાર્જર બહુ જૂની ટેક્નોલોજી છે. પરંતુ ઘણા વર્ષોથી આપણે તેનાથી ફોનને ચાર્જ કર્યા હતા, આમાં તમારે એક અલગ વસ્તુ કરવાની રહેતી હતી એટલે કે જ્યારે તમારી પાસે તમારા મોબાઇલનું ચાર્જર નહોતું. ત્યારે મોબાઈલની બેટરી કાઢી ચાર્જ કરવી પડતી હતી.

સોલાર મોબાઈલ ફોન ચાર્જર

આવનારા સમયમાં આ ચાર્જરની ટેક્નોલોજીમાં પણ ઘણો બદલાવ આવશે અને તમને ઓછામાં ઓછા સમયમાં સૂર્યના કિરણો સાથે મોબાઈલ ચાર્જ કરવાનો મોકો મળશે, જેમાં તમને સોલાર પેનલ મળશે. જે ફોલ્ડેબલ છે. અને તે Type B Type C USB કેબલ સાથે આવે છે. આ પ્રકારનું ચાર્જર સૂર્યના કિરણોને મોબાઈલ સ્માર્ટફોનના ચાર્જરમાં ટ્રાન્સફર કરે છે. પરંતુ હાલમાં સ્માર્ટફોન ચાર્જ કરવા માટે ચાર્જિંગ સ્પીડ એકદમ ધીમી છે. પરંતુ થોડા વર્ષો પછી, તમે આ ચાર્જર સાથે ખૂબ જ ઓછા સમયમાં સારી ચાર્જિંગ સ્પીડ મેળવી શકશો.

મોબાઈલની ટેકનિકલ બાબતોને લઈ અમારી આ ખાસ સિરીઝમાં અમે મોબાઈલ સ્ક્રીનના પ્રકારો તથા બેટરીમાં mAh શું હોય છે તેમજ RAM અને ROM શું છે તેમજ Resolution શું છે તથા મોબાઈલમાં ત્રણ કેમેરા શા માટે હોય છે અને ડ્યુઅલ કેમેરા ત્રણ કેમેરાનું કામ આપી શકે તેના વિશે વિગતે માહિતી આપી છે, જે વાંચવા અહીં ક્લિક કરો, આવી જ રસપ્રદ માહિતી માટે અમારી સાથે જોડાયેલા રહો.

Follow us on

Click on your DTH Provider to Add TV9 Gujarati