સોલાર પેનલને સાફ કરવા કરો નવીન ટેકનોલોજીનો ઉપયોગ, સોલારની કાર્યક્ષમતામાં ઘટાડો નહીં થાય

આજના સમયમાં ઘણા લોકો ઘરે-ઘરે સોલાર પેનલ લગાવે છે. સોલાર પેનલ લગાવવાથી વીજ બચત થાય છે અને ઇલેક્ટ્રિસિટી બિલમાં પણ રાહત મળે છે. જો કે, કેટલીકવાર આપણે સોલાર પેનલની કાળજી જોવે તેવી નથી રાખતા અને છેવટે સોલાર પેનલના કાર્ય કરવાની ક્ષમતામાં ઘટાડો થઈ જાય છે. એવામાં જો તમે આધુનિક ટેક્નોલોજીનો ઉપયોગ કરીને સોલાર પેનલ સાફ કરો છો, તો તમારા સોલાર પેનલને કઈ નુકસાન થતું નથી. તો ચાલો જાણીએ કે, સોલાર પેનલને આધુનિક ટેક્નોલોજીની મદદથી કેમનું સાફ કરી શકાય.

મોબાઇલથી ક્લીનિંગ શેડ્યૂલ સેટ કરો

સોલાર પેનલ આજે ઘણી જગ્યાએ લગાવવામાં આવે છે અને તેની જાળવણી કરવી ખૂબ જ અગત્યની હોય છે. ધૂળ, માટી અને કચરાને કારણે પેનલની કાર્યક્ષમતા ઘટે છે. જોકે હવે ટેકનોલોજીની મદદથી મોબાઇલ કનેક્ટેડ સિસ્ટમ દ્વારા સોલાર પેનલને સાફ કરી શકાય છે. આવા ડિવાઇસો ટેકનોલોજી આધારિત હોય છે અને મોબાઇલ એપથી કનેક્ટ થઈ જાય છે.

મોબાઇલથી ક્લીનિંગ શેડ્યૂલ સેટ કરી શકાય છે, રિમોટથી પેનલ સાફ કરી શકાય છે અને ત્યારબાદ તેની કામગીરી પણ રિયલ ટાઈમમાં જોઈ શકાય છે. આ સિસ્ટમ ઓટોમેટિક રીતે કામ કરે છે અને તેમાં ઓછી મહેનત લાગે છે. બ્રશ અથવા એર પ્રેશર દ્વારા ધૂળ હટાવવામાં આવે છે અને કેટલીક મશીનો પાણી વિના પણ કામ કરે છે.  મોબાઇલ કનેક્ટેડ સોલાર ક્લીનિંગ સિસ્ટમ એક નવું પરંતુ અત્યંત ઉપયોગી સાધન બની રહ્યું છે.

ટેકનોલોજીને લગતા ઘણી ટ્રિક છે જે અજમાવી તમે તમારા ઈલેક્ટ્રોનિક સાધનને વધારે બેહતર રીતે કામ કરે તેમ બનાવી શકો છો ત્યારે આવી જ સ્ટોરી જોવા માટે અહીં ક્લિક કરો