VIDEO: રીંછે બચાવ્યો પાણીમાં ડૂબતા કાગડાનો જીવ, અબોલ પ્રાણીની આ ‘માનવતા’ જોઈ લોકોએ કહ્યું- વાહ

માનવીએ આજે ​​ઘણી પ્રગતિ કરી છે. દુનિયા ચંદ્ર પર પહોંચી ગઈ છે અને અન્ય ગ્રહો પર સ્થાયી થવાની તૈયારીઓ થઈ રહી છે, પરંતુ આજે પણ દુનિયામાં એવા ઘણા લોકો છે જે માનવ બની શક્યા નથી, એટલે કે તેમનામાં માનવતા દેખાતી નથી. જો કોઈ રસ્તા પર દર્દથી રડતું હોય તો તેની મદદ કરવાને બદલે લોકો તેનો વીડિયો બનાવવા લાગે છે. આવી સ્થિતિમાં કોઈ કોઈને મદદ કરશે એવી આશા કેવી રીતે રાખી શકાય. પરંતુ આજકાલ પ્રાણીઓમાં ‘માનવતા’ ચોક્કસપણે જોવા મળી રહી છે. સોશિયલ મીડિયા આવા પ્રાણીઓના વીડિયોથી (Animals Videos) ભરેલું છે. જેમાં કેટલાક વીડિયો ખૂબ જ ફની છે તો કેટલાક આશ્ચર્યજનક છે. આવો જ એક ચોંકાવનારો વીડિયો આજકાલ ખૂબ વાયરલ (Viral Videos) થઈ રહ્યો છે. જેમાં એક રીંછમાં (Bear Video) અદભૂત માનવતા જોવા મળી રહી છે.

જૂઓ વીડિયો…..

भालू ने डूबते कव्वे को बचाया…

आजकल इंसानों से ज्यादा #इंसानियत बेजुबान जीवों में देखने को मिल रही है ना?#HelpChain.#humanity #KindnessMatters pic.twitter.com/UocDGIfUHL

— Dipanshu Kabra (@ipskabra) February 12, 2022

જોવા મળ્યું માનવતાનું ઉદાહરણ

ખરેખર, રીંછે પાણીમાં ડૂબતા કાગડાનો જીવ બચાવીને માનવતાનું અદ્દભુત ઉદાહરણ રજૂ કર્યું છે. જ્યાં માણસો આવી સ્થિતિમાં ઉભા રહીને જોઈ રહ્યા છે, ત્યાં એક અણસમજુ પ્રાણીએ જે કર્યું છે તે પ્રશંસનીય છે. વીડિયોમાં તમે જોઈ શકો છો કે એક કાગડો પાણીમાં ડૂબી રહ્યો છે. તે બહાર નીકળવાનો ખૂબ પ્રયાસ કરે છે, પરંતુ તેની પાંખો સંપૂર્ણપણે પાણીમાં પલળી ગઈ છે, તેથી તે બહાર આવી શકતો નથી. ત્યારે જ નજીકમાં ઉભેલું રીંછની નજર તેના પર પડે છે અને પોતાના હાથ અને મોંની મદદથી તેને પાણીમાંથી બહાર કાઢે છે. તે પછી તે પોતાનો ખોરાક ખાવાનું શરૂ કરે છે. તે જ સમયે, પાણીમાંથી બહાર આવ્યા પછી, કાગડો લાંબા સમય સુધી જમીન પર પડ્યો રહે છે અને પછી તે ઉભો થઈને બેસી જાય છે.

IPS ઓફિસર દીપાંશુ કાબરાએ પોતાના ટ્વિટર પર આ અદ્ભુત વીડિયો શેર કર્યો છે અને કેપ્શનમાં લખ્યું છે કે, ‘રીંછે ડૂબતા કાગડાને બચાવ્યો… આજકાલ માણસો કરતાં અબોલ જીવોમાં વધુ માનવતા જોવા મળી રહી છે, નહીં?’ માત્ર 46 સેકન્ડના આ વીડિયોને અત્યાર સુધીમાં 28 હજારથી વધુ વખત જોવામાં આવ્યો છે, જ્યારે 2,600થી વધુ લોકોએ આ વીડિયોને લાઈક પણ કર્યો છે. તે જ સમયે, લોકોએ વીડિયો જોયા પછી વિવિધ પ્રકારની પ્રતિક્રિયાઓ પણ આપી છે.

આ પણ વાંચો: Animal Husbandry: લ્યો બોલો ! IVF ટેક્નિકથી ભારતમાં પહેલી વાર ભેંસે આપ્યો વાછરડાને જન્મ

આ પણ વાંચો: Funny Animal Video : હાથીનો મસ્તીભર્યો અંદાજ જોઈને તમને પણ લાગશે કે આ હાથીને માછલી બનવાનું મન થઈ રહ્યુ છે !