Maharashtra : મુંબઇ મહાનગર પાલિકા કબ્જે કરવા શિવસેનાનો ગુજરાતીઓને રિઝવવા અનોખો રાજકીય “રાસ”

Maharashtra : પહેલા ફાફડા-જલેબી, અને હવે ગુજરાતી ગરબા, મુંબઈ મહાનગરપાલિકાની ચૂંટણી જીતવા શિવસેના અત્યારથી જ કામે લાગી છે. ભાજપ અને શિવસેના અલગ થયા બાદ શિવસેનાની નજર હવે ગુજરાતી મતદારો પર મંડાયેલી છે. દેશની સૌથી અમીર 33,000 કરોડના વાર્ષિક બજેટવાળી મુંબઈ મહા નગરપાલિકા, આ મુંબઈ મનપા પર બે દાયકાથી શિવસેનાની સત્તા છે. જેને ટકાવી રાખવા શિવસેનાને ગુજરાતી મતદારોની જરૂર છે. મુંબઈની વસતીમાં 25 ટકા ગુજરાતી છે. મુંબઈના ગુજરાતી મતદારોને રિઝવવા શિવસેનાએ રાસ-ગરબા સમારોહનું આયોજન કર્યું. જેમાં ગુજરાતી વેપારી, ઉદ્યોગપતિ અને અગ્રણીઓ પણ ખાસ ઉપસ્થિત રહ્યાં.