Local Body Poll 2021 Junagadh : કેશોદના વિરાભાઈ સિંઘલ બિનહરીફ, ઉત્સાહમાં આવી 500-500 ની નોટો ઉડાડી

Local Body Poll 2021 Junagadh : ગુજરાતના મોટા ભાગના વિસ્તારોમાં સ્થાનિક સ્વરાજની ચુંટણીનો માહોલ બરાબરનો જામ્યો છે.ત્યારે આ બધાની વચ્ચે ઘણા ઉમેદવારો પોતપોતાનાં ઉમેદવારી ફૉર્મ પાછા ખેંચીને હરીફ ઉમેદવારોને બિન હરીફ બનાવીને ચુંટણી થયા પહેલા જ ચુંટણી જિતાડી દે છે. આવી જ રીતે કેશોદના વોર્ડ નં 3 માં કોંગ્રેસના 2 અને આમ આદમી પાર્ટીના 1 ઉમેદવારે પોતાનું ફૉર્મ પરત ખેંચતા ભાજપના વિરભાઈ બિન હરીફ ઘોષિત થયા હતા. અને વિજયના ઉત્સવને વધાવવા ઢોલ શરણાઈઓ વગડાવી હતી અને ઉત્સાહમાં આવીને બિન હરીફ ઉમેદવાર વિરાભાઈ સિંઘલે રૂપિયા 500-500ની નોટો ઉડાડી હતી. અને ઉત્સવના અતિરેકમાં કાર્યકરો અને હોદ્દેદારો સોશિયલ ડિસ્ટનસિંગના અભાવ સાથે જોવા મળ્યા હતા.