વડોદરા મનપાનો વિચિત્ર નિર્ણય: બગીચામાં પ્રવેશ માટે હવે ફરજિયાત નોંધણી, શહેરીજનોમાં નારાજગી

ફરજિયાત નોંધણી સામે લોકોનો વિરોધ કર્યો મનપાના આ નિર્ણયને બગીચામાં આવતા લોકોએ ‘તઘલખી નિર્ણય’ ગણાવીને વિરોધ વ્યક્ત કર્યો છે. બગીચામાં કસરત કરવા અને ફિટ રહેવા આવતા લોકોનું કહેવું છે કે, અહીં આ પ્રકારની નોંધણીની કોઈ જરૂર નથી. લોકોએ સવાલ ઉઠાવ્યો છે કે જો સુરક્ષાનો પ્રશ્ન હોય તો મનપાએ બગીચામાં પેટ્રોલિંગ વધારવું જોઈએ અથવા સીસીટીવી કેમેરા મૂકવા જોઈએ, ન કે સામાન્ય નાગરિકો પર આવા નિયમો થોપવા જોઈએ.

સામાજિક કાર્યકરોનો સવાલ

એક તરફ સામાજિક કાર્યકરોએ પણ મનપાના આ નિર્ણય સામે સવાલ ઉઠાવ્યા છે. તેમનું કહેવું છે કે, કમાટીબાગની કેમ્પ ઓફિસમાંથી ફાઇલની ચોરી થઈ હતી, ત્યારે મનપાએ અધિકારીઓ સામે કાર્યવાહી કરવાને બદલે, હવે લોકો પર નિયમો થોપી દીધા છે, જે બિલકુલ યોગ્ય નથી.

મનપા કમિશનરનો બચાવ

બીજી તરફ, મનપા કમિશનરે આ નિર્ણયનો બચાવ કર્યો છે. કમિશનરનો દાવો છે કે આ નિર્ણય લોકોમાં જાગૃતિ લાવવા માટે લેવામાં આવ્યો છે. તેમણે વધુમાં જણાવ્યું કે, બગીચાઓમાં અસામાજિક તત્વોના ત્રાસ ના કેટલાક કિસ્સાઓ પણ સામે આવ્યા હતા, તેથી સુરક્ષાના કારણોસર આ નોંધણીનો નિર્ણય કરવામાં આવ્યો છે. જોકે, શહેરીજનોને મનપાના આ નિર્ણય સામે ભારે અસંતોષ છે.

Input Credit- Anjali Ojha- Vadodara

ગુજરાતના તમામ સમાચાર વાંચવા માટે અહીં ક્લિક કરો