આજનું હવામાન : રાજ્યનાં હવામાનને લઇ આગાહી, બેવડીઋતુનો થશે અનુભવ, જુઓ Video

હવામાન વિભાગની આગાહી અનુસાર આજે રાજ્યમાં બેવડીઋતુનો અનુભવ થાય તેવી સંભાવના છે. હવામાન વિભાગનની આગાહી અનુસાર ફેબ્રુઆરી અને માર્ચ મહિનામાં વાતાવરણમાં પલટો આવી શકે છે. માર્ચની શરુઆતમાં વાતાવરણમાં મોટા ફેરફારોની સંભાવના છે. ફેબ્રુઆરી અંત સુધીમાં રાજ્યમાં તાપમાન રહે તેવી શક્યતા છે. માર્ચની શરુઆતમાં વાતાવરણમાં ફેરફારની કૃષિ પાકો પર અસર થાય તેવી સંભાવના છે. તેમજ જીરૂ, ઘઉં અને કેરીનાં પાકને નુકસાન થવાની આશંકા છે.

રાજ્યમાં કેટલું રહેશે તાપમાન ?

હવામાન વિભાગની આગાહી અનુસાર અમરેલી, આણંદ, ડાંગ, દેવભૂમિ દ્વારકા, જામનગર, કચ્છ, સુરેન્દ્રનગર, તાપી સહિતના જિલ્લાઓમાં 19 ડિગ્રી ન્યૂનતમ તાપમાન રહે તેવી શક્યતા છે. તેમજ અમદાવાદ, ભરૂચ, ભાવનગર, બોટાદ,નર્મદા, નવસારી, પોરબંદર, વડોદરા, વલસાડ સહિતના જિલ્લાઓમાં 20 ડિગ્રી ન્યૂનતમ તાપમાન રહે તેવી શક્યતા છે. આ ઉપરાંત મહીસાગર, પાટણ સહિતના જિલ્લાઓમાં 17 ડિગ્રી ન્યૂનતમ તાપમાન રહે તેવી શક્યતા છે.