તારાજી બાદ પાણી પુરવઠા પ્રધાન જીતુ ચૌધરીએ પૂરગ્રસ્ત વિસ્તારની લીધી મુલાકાત, તંત્ર દ્વારા કરવામાં આવેલી વ્યવસ્થાની કરી સમીક્ષા
રાજ્યના નર્મદા કલ્પસર અને પાણી પુરવઠા પ્રધાન જીતુ ચૌધરી વલસાડના ડિઝાસ્ટર કંટ્રોલરૂમની મુલાકાતે પહોંચ્યા હતા. અહીં જિલ્લા કલેક્ટર અને ડીડીઓ સહિતના અધિકારીઓ સાથે બેઠક યોજી હતી.
Valsad: રાજ્યના નર્મદા કલ્પસર અને પાણી પુરવઠા પ્રધાન જીતુ ચૌધરી વલસાડના ડિઝાસ્ટર કંટ્રોલરૂમની મુલાકાતે પહોંચ્યા હતા. અહીં જિલ્લા કલેક્ટર અને ડીડીઓ સહિતના અધિકારીઓ સાથે બેઠક યોજી હતી. સાથે પૂરગ્રસ્ત વિસ્તારોની મુલાકાત લઈને કામગીરીની સમીક્ષા કરી હતી. સાથે જ પૂરને લઈને સંબંધિત અધિકારીઓને જરૂરી સૂચનો આપ્ય હતા.
સૌરાષ્ટ્ર અને દક્ષિણ ગુજરાતમાં અત્યંત ભારે વરસાદની આગાહી
રાજ્યમાં આગામી 2 દિવસ રાજ્યમાં સાર્વત્રિક વરસાદી માહોલ રહેશે. 15 જુલાઈ સુધી દક્ષિણ ગુજરાત અને સૌરાષ્ટ્રમાં ભારેથી અતિભારે વરસાદની આગાહી કરવામાં આવી છે. હવામાન વિભાગ પ્રમાણે, વોલમાર્ક લો પ્રેશર હોવાથી રાજ્યમાં અત્યંત ભારે વરસાદ વરસી શકે છે. આજના દિવસની વાત કરીએ તો, જૂનાગઢ, ગીરસોમનાથ, નવસારી, ડાંગ અને વલસાડમાં રેડ એલર્ટ અપાયું છે. જ્યાારે અમરેલી, ભાવનગર, સુરત, તાપી અને નર્મદામાં ઓરેન્જ એલર્ટ અપાયું છે. જ્યારે કચ્છ, જામનગર, રાજકોટ, ભરૂચ, વડોદરા, આણંદ, પંચમહાલ, છોટાઉદેપુર, સાબરકાંઠા, મહીસાગર, અરવલ્લી અને દાહોદમાં યલો એલર્ટ અપાયું છે. રાજ્યમાં 14 અને 15 જુલાઈએ ભારેથી અતિભારે વરસાદ વરસવાની શક્યા છે. 14 જુલાઈએ દક્ષિણ ગુજરાતમાં નવસારી, ડાંગ અને વલસાડમાં અને સૌરાષ્ટ્રમાં અમરેલી અને ગીરસોમનાથમાં રેડ એલર્ટ છે. જ્યારે 15 જુલાઈએ સૌરાષ્ટ્રમાં જૂનાગઢ, અમરેલી અને ગીરસોમનાથમાં રેડ એલર્ટ છે. ભારેથી અતિભારે વરસાદની આગાહીને પગલે માછીમારોને 5 દિવસ દરિયો ન ખેડવાની સૂચના અપાઈ છે.