અકસ્માત : વલસાડમાં રસ્તાને રેસનો ટ્રેક ન સમજવાની ખાખીની ચેતવણી ઘોળીને પી ગયા રોડ રોમિયો

વલસાડમાં બે કારચાલકોએ રેસિંગનો ટ્રેક સમજીને રસ્તા પર સર્જી દીધો રીતસર આતંક અને રેસ જીતવાની લ્હાયમાં જોખમમાં મૂકી દીધો અન્ય વાહનચાલકોને જીવ અદ્ધર ગયો છે. CCTVમાં એવા ભયાનક દ્રશ્યો કેદ થયા છે. આ દ્રશ્યોમાં રેસિંગ ટ્રેક પર કાર હંકારતા હોય તેમ 2 કારચાલકો પૂરપાટ ઝડપે જઇ રહ્યા છે.

બાઇકસવાર દંપતિ પહેલી બેફામ કારથી તો બચી જાય છે, પરંતુ પાછળ આવતી બીજી કારની ટક્કર વાગતા જમીન પર પટકાય છે અને લોકોના ટોળા એકત્ર થઇ જતા ત્યાંથી નાસી છૂટે છે. અકસ્માતની ઘટનામાં બાઇકસવાર દંપતિને ગંભીર ઇજા પહોંચતા સારવાર માટે ખસેડવામાં આવી છે.

આ પણ વાંચો : બાયોમેટ્રિક આધારિત GST રજિસ્ટ્રેશન સિસ્ટમ શરૂ કરનાર દેશનું પ્રથમ રાજ્ય બનશે ગુજરાત, 7 નવેમ્બરે વાપીમાં યોજાશે કાર્યક્રમ

એક તરફ બેફામ કારચાલકોને વિરૂદ્ધ પોલીસ વિભાગ ડ્રાઇવ ચલાવી રહ્યું છે. તેવા સમયે કારચાલકોની આ કરતૂત પોલીસ માટે પડકાર સમાન છે. જોવાનું એ રહે છે કે નિયમોનો છડેચોક ભંગ કરતા આ તત્વો વિરૂદ્ધ પોલીસ વિભાગ શું કાર્યવાહી કરે છે.