Vadodara : શું વડોદરા ચોમાસા માટે તૈયાર છે ? ધારાસભ્યોએ જ મનપા સામે ઉઠાવ્યાં સવાલ, જુઓ Video
વડોદરામાં વરસાદ પહેલા કરવાની કામગીરીને લઈ ધારાસભ્યોએ જ મનપા સામે સવાલ ઉઠાવ્યાં છે. ચોમાસામાં થતી હાલાકી અંગે રજૂઆત દરમ્યાન શૈલેષ સોટ્ટા અને ધર્મેન્દ્રસિંહ વાઘેલા દ્વારા રજૂઆત કરવામાં આવી છે. ભૂતકાળનું પુનરાવર્તન તો નહી થાય ? તેવા સવાલો મનપાને પૂછ્યા હતા.
Vadodara: ચોમાસાની શરૂઆત થાય તે પહેલા તમામ જિલ્લાઓમાં તંત્ર દ્વારા વરસાદી પાણીના નિકાલની તૈયારીઓ કરવામાં આવતી હોય છે. ત્યારે હવે સવાલ એ ઉદભવે છે કે, શું વડોદરા ચોમાસા માટે તૈયાર છે ? મહત્વની વાત એ છે કે આ સવાલ સ્થાનિકો જ નહીં પરંતુ ચૂંટાયેલા નેતાઓ પણ કરી રહ્યા છે. શહેરના ધારાસભ્યોએ જ મનપાની પ્રિ-મોનસૂન કામગીરી સામે સવાલ ઉઠાવ્યાં છે. સોમવારે મળેલી સંકલન સમિતિની બેઠકમાં ડભોઈના ધારાસભ્ય શૈલેષ સોટ્ટા અને વાઘોડિયાના ધારાસભ્ય ધર્મેન્દ્રસિંહ વાઘેલાએ યોગ્ય કામગીરી ન થયાની રજૂઆત કરી હતી.
આ પણ વાંચો : વડોદરાના અટલ બ્રિજની ગુણવત્તાને લઈ ભાજપના જ બે ધારાસભ્યો વચ્ચે વિરોધાભાસ
વડોદરા મનપાની પ્રિ-મોન્સૂન કામગીરી હંમેશા કાગળ પર રહેતી હોય છે અને ચોમાસામાં જ મનપાના પ્લાનની પોલ ખુલી જતી હોય છે. પરંતુ આ વખતે વડોદરાના ધારાસભ્યો એજ કોર્પોરેશનના દાવાની પોલ ખોલી નાખી છે. વડોદરા મ્યુનિસિપલ કમિશનરે દાવો કર્યો કે પ્રિ-મોન્સૂન કામગીરી પૂર્ણ થવાના આરે છે અને શહેરીજનોને કોઈ તકલીફ નહીં પડે. જો કે આ દાવા, આક્ષેપ અને આશ્વાસન વચ્ચે ભૂતકાળના વર્ષોની પરિસ્થિતિનું પુનરાવર્તન ન થાય તેવુ સૌ કોઈ ઈચ્છે છે.
વડોદરા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો