VADODARA : વિવાદીત ધારાસભ્ય મધુ શ્રીવાસ્તવનો ફરી ધમકીભર્યો અંદાજ, પાદરામાં જાહેર મંચ પરથી અધિકારીઓને ધમકી આપી

VADODARA : ભાજપના વિવાદીત ધારાસભ્ય મધુ શ્રીવાસ્તવ ફરી વિવાદીત નિવેદનના કારણે ચર્ચામાં આવ્યા છે. આ વખતે મધુ શ્રીવાસ્તવે જાહેર મંચ પરથી કામ ન કરનાર અધિકારીઓને ધમકી આપી. પાદરા અન્ન વિતરણ કાર્યક્રમમાં પહોંચેલા વાઘોડિયાના ધારાસભ્ય શ્રીવાસ્તવે કામ ન કરતા અધિકારીઓને ચૌદમું રતન બતાવવાની ધમકી આપી હતી. ગુજરાતી કહેવત ચૌદમું રતન દેખાડવું એટલે માર મારવો કે પ્રહાર કરવાનો અર્થ થાય છે. તો શું આ ધારાસભ્ય અધિકારીઓને માર મારવાની ધમકી આપી ફરી ધાક જમાવવા બેસે છે. હાલ તો ધારાસભ્યની ધમકીથી અનેક સવાલોએ જન્મ લીધો છે.