મિચોંગ વાવાઝોડાની અસર તળેે ગુજરાત પર ફરી એક વરસાદી સિસ્ટમ સક્રિય, જુઓ વીડિયો

ભારતમાં વધુ એક વાવાઝોડુ દસ્તક દઈ રહ્યું છે. ફરી એક વખત દરિયાકાંઠાના રાજ્યોને મિચોંગ વાવાઝોડું ઘમરોળશે, ત્યારે ગુજરાત પર પણ તેની અસર જોવા મળશે. હવામાન વિભાગે આપેલી માહિતી અનુસાર મિચોંગ વાવાઝોડાની તીવ્રતા ખૂબ જ વધારે છે. જેના કારણે હવે પવનની દિશા બદલાઇ છે.જેના કારણે ફરી એક વખત ગુજરાતમાં વરસાદી સિસ્ટમ સક્રિય થઇ છે.

ગુજરાતમાં બે દિવસ વરસાદી માહોલ રહેવાની સંભાવના

મિચોંગ વાવાઝોડાની તીવ્રતા વધી છે. જેના કારણે હવે ગુજરાત પર પણ તેની થોડી ઘણી અસર જોવા મળશે. મિચોંગ વાવાઝોડાના કારણે પવનની દિશા બદલાતા ગુજરાત પર એક વરસાદી સિસ્ટમ એકટિવ થઇ છે.જેના કારણે ગુજરાતમાં બે દિવસ વરસાદી માહોલ રહેવાની સંભાવના છે. એક તરફ દક્ષિણ ભારતમાં વાવાઝોડાની અસરને કારણે આજે તેમજ આવતીકાલે પણ અનેક જગ્યાએ હળવાથી મધ્યમ વરસાદ પડી રહ્યો છે. કેટલીક જગ્યાએ ભારેથી અતિભારે વરસાદ પડી રહ્યો છે. ત્યારે હવે ગુજરાતમાં પણ આવી જ અસર જોવા મળશે.

દક્ષિણ ગુજરાત અને મધ્ય ગુજરાતમાં અસર વર્તાશે

રાજ્યમાં આગામી બે દિવસ કમોસમી વરસાદની આગાહી કરવામાં આવી છે. સુરત, ભાવનગર, સાબરકાંઠા, અરવલ્લી, ખેડામાં હળવા વરસાદની આગાહી છે. આજે સાબરકાંઠા, અરવલ્લી, ખેડા, પંચમહાલમાં વરસાદની શક્યતા છે. આજે દાહોદ, સુરત, મહિસાગર અને ભાવનગરમાં વરસાદની આગાહી છે. આવતીકાલે અરવલ્લી, ખેડા, પંચમહાલ, દાહોદમાં વરસાદનું અનુમાન છે.

આ પણ વાંચો-ભરૂચ : દહેજના જોલવા ગામ નજીક ક્રૂડ ઓઈલની પાઇપલાઇનમાં ભીષણ આગ લાગી, 2 ફાયર ફાઈટર ઘટનાસ્થળે પહોંચ્યા, જુઓ વિડીયો

આવતીકાલે મહિસાગર, છોટાઉદેપુર, સુરત, નર્મદા, ભાવનગરમાં વરસાદની આગાહી કરવામાં આવી છે. સાયક્લોનિક સર્ક્યુલેશનની અસરથી વાતાવરણમાં પલટો આવ્યો છે. ત્યારે ગુજરાતમાં માવઠાનો ત્રીજો રાઉન્ડ જોવા મળી શકે છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો