ભારે વરસાદથી સુરતના વેસુ અને VIP રોડ પર ભરાયા પાણી, બારડોલી પંથકમાં પણ ‘વાતાવરણ’ પલટાયું – જુઓ Video

સુરત શહેરમાં લાંબા વિરામ બાદ ધોધમાર વરસાદ પડ્યો છે. અઠવાગેટ, પીપલોદ, ઉધના અને મજૂરાગેટ વિસ્તારમાં વરસાદ નોંધાયો છે. ખાસ વાત એ છે કે, વેસુ, VIP રોડ અને ઉધના રોડ વિસ્તારમાં પાણી ભરાતા લોકોને ભારે મુશ્કેલીનો સામનો કરવો પડી રહ્યો છે.

રસ્તાઓ પર પાણી ભરાઈ જવાના કારણે વાહન ચાલકોને ભારે હાલાકી ભોગવવી પડી રહી છે. આ ધોધમાર વરસાદના કારણે અનેક જગ્યાએ પાણી ભરાયા છે અને ઘૂંટણસમા પાણીમાં લોકો પોતાના વાહનને ધક્કો મારતા નજરે પડ્યા છે.

વધુમાં જોવા જઈએ તો, સુરતના બારડોલી તાલુકામાં બપોર બાદ વાતાવરણમાં પલટો આવ્યો છે અને બારડોલી પંથકમાં વરસાદ પડ્યો છે. અહીંના સ્ટેશન રોડ, ગાંધી રોડ, શાસ્ત્રી રોડ, ધામરોડ અને બાબેન ગામ સહિતના વિસ્તારોમાં વરસાદ નોંધાયો છે. લાંબા વિરામ બાદ વરસાદ પડવાના કારણે લોકોને ગરમીથી મોટી રાહત મળી છે.

Ahmedabad Development : અમદાવાદ શહેરના વિકાસ માટે 2,719 કરોડ રૂપિયાના ખર્ચે 6 મહત્વાકાંક્ષી પ્રોજેક્ટ્સને મંજૂરી, જાણો