Vadodara: લીલોડ ગામમાંથી 7 દિવસના બાળકનું અપહરણ, ઘરમાંથી રાત્રે બે વાગ્યે કોઈ બાળકને ઉઠાવી ગયાની ચર્ચા

વડોદરાથી ચોંકાવનારી ઘટના સામે આવી છે. વડોદરાના વાઘોડિયાના લીલોડ ગામમાંથી 7 દિવસના બાળકનું અપહરણ થયું છે. વસાહતમાંથી 7 દિવસના બાળકનું અપહરણ થવાથી ચકચાર મચી જવા પામ્યો છે. કહેવાઈ રહ્યું છે કે ઘરમાંથી રાત્રે બે વાગ્યે કોઈ વ્યક્તિ બાળકને ઉઠાવી ગયું છે. ઘટનાની જાણ થતા જ જિલ્લા પોલીસ એક્ટીવ બની છે.

વડોદરા જિલ્લા પોલીસે બાળકની શોધખોળ શરૂ કરી દીધી છે. બાળકને શોધવા માટે જિલ્લા પોલીસવડાએ જુદી જુદી 8 ટીમો બનાવી છે. જણાવી દઈએ કે વાઘોડિયા પોલીસ, LCB, SOG સહિતની 8 ટીમોએ બાળકની તપાસ શરૂ કરી દીધી છે.

માહિતી પ્રમાણે પરમદિવસે રાત્રે બનાવ બન્યો હતો. પરિવારને બાળક ન મળતા આજુબાજુના વિસ્તારમાં શોધખોળ કરી હતી. તેમ છતાં બાળકનો પતો ના લાગતા તેમણે પોલીસને જાણ કરી હતી. પોલીસને માહિતી મળતા જ ઘટના સ્થળે પહોંચીને ગ્રામ્ય વિસ્તારમાં તપાસ હાથ ધરી હતી. આજુબાજુના ગામો અને વિસ્તારમાં તપાસ છતાં કંઈ પગેરું ન મળતા પોલીસે આજે ફરી ડોગ સ્કવોડની મદદથી શોધખોળ શરુ કરી છે. બાળકોને પકડી જતી અને ઉપાડી જતી ટોળકીએ આ અપહરણ કર્યું હોવાનું પ્રાથમિક તારણ સામે આવ્યું છે. હાલમાં પોલીસ આ મામલે તપાસ કરી રહી છે,\

આ પણ વાંચો: Rajkot: વેપારીઓનું 7 કરોડનું સોનું લઈને રફુચક્કર થઈ ગયો હતો બોબી, ખાનગી તપાસથી જ પોલીસે દબોચી પાડ્યો

આ પણ વાંચો: વડોદરા પોલીસના આ કાર્યને તમે પણ કરશો સલામ, હંમેશા ફરજ પર રહેતા ચહેરા પાછળના ઋજુ હૃદયના થયા દર્શન