Surat Rain : ઓલપાડ અને માંગરોળમાં વરસાદી માહોલ, ડાંગર પકવતા ખેડૂતોમાં ખુશીનો માહોલ, જુઓ Video

ગુજરાતના વિવિધ વિસ્તારોમાં ધોધમાર વરસાદ વરસી રહ્યો છે. ત્યારે સુરત જિલ્લામાં ઓલપાડ અને માંગરોળમાં પણ વરસાદ વરસ્યો છે. શહેર અને ગ્રામ્ય પંથકમાં મેઘમહેર જોવા મળી છે. ત્યારે ડાંગર અને ધરુ પકવતા ખેડૂતોમાં ખુશીનો માહોલ જોવા મળ્યો છે. ભારે ઉકળાટ બાદ વરસાદ પડતા વાતાવરણમાં ઠંડક પ્રસરી છે.

દાહોદમાં ભારે વરસાદ વરસ્યો

ગુજરાતના અનેક વિસ્તારોમાં ધોધમાર વરસાદ ખાબક્યો છે. ત્યારે દાહોદમાં પણ આજે વહેલી સવારથી વરસાદની શરુઆત થઈ છે. દાહોદના ઝાલોદ, ધાનપુર, ફતેપુરા વિસ્તારમાં પણ વરસાદ ખાબક્યો છે. દાહોદમાં વહેલી સવારથી જ ખાબકી રહેલા વરસાદના કારણે અંડરબ્રિજમાં પાણી ભરાયા છે. જેના કારણે વાહનચાલકોને ભારે મુશ્કેલીનો સામનો કરવો પડ્યો છે. વરસાદ વરસતા વાતાવરણમાં ઠંડક તો પ્રસરી છે. તેમજ જળાશયોમાં નવા નીર આવવાથી ખેડૂતોમાં પણ ખુશી જોવા મળી છે.