વડોદરામાં ધોધમાર વરસાદ વરસ્યો છે. વડોદરાના પાદરામાં ધોધમાર વરસાદને લઈ કેટલાક વિસ્તારોમાં મુશ્કેલીઓ સર્જાઈ છે. આવી જ રીતે એક વૃદ્ધને મુશ્કેલી ભારે વરસાદ દરમિયાન સર્જાઈ હતી. તેઓ ભારે વરસાદ વચ્ચે ફસાઈ પડતા તેમની મદદે સ્થાનિક પોલીસ દોડી આવી હતી. પાદરા પોલીસે વૃદ્ધને મદદ કરીને તેમને ઘરે રવાના કર્યા હતા.
પોલીસે પાણીના પ્રવાહ વચ્ચે જાસપુર હાઈવે પર વૃદ્ધ ફસાયા હતા. આ અંગેની જાણ પોલીસની ટીમને થતાં તેમને બે પોલીસ કર્મીઓએ ઉંચકીને પોલીસ વાનમાં બેસાડ્યા હતા. પોલીસ વાન દ્વારા વૃદ્ધને તેમના ઘરે રવાના કરવામાં આવ્યા હતા. આમ પોલીસ ભારે વરસાદ વચ્ચે સરાહનીય કામગીરી કરી હતી.
Published On - 6:10 pm, Wed, 24 July 24