Navratri 2026 : જૂનાગઢનું અનોખું મંદિર, માત્ર નવરાત્રિમાં જ ખૂલે છે માતાજીના દ્વાર

પવિત્ર નવરાત્રિ દરમિયાન જૂનાગઢમાં ભક્તિ અને આસ્થાનો અનોખો સંગમ જોવા મળે છે. માંગનાથ પીપળી ખાતે આવેલું ઐતિહાસિક હીરાગીરી માતાજીનું મંદિર વર્ષના 365 દિવસમાંથી માત્ર આસો નવરાત્રિના પ્રથમ દિવસથી આઠમ સુધી જ ભક્તો માટે ખુલ્લું મુકાય છે.

મૂળ ઉત્તર ભારતના તપસ્વી હીરાગીરી માતાજીએ ગીરના માલધારીઓના નેસમાં રહીને ગૌસેવા અને કઠોર સાધના કરી હતી. તેમની સિદ્ધિઓથી પ્રભાવિત થઈ માંગા ભટ્ટે માંગનાથ મહાદેવનું મંદિર તેમને સોંપ્યું હતું, જ્યાં માતાજીએ જીવિત સમાધિ લીધી હતી.

આ મંદિરમાં ભક્તો પોતાના ઘરેથી તેલ લાવીને અખંડ દીવો પ્રગટાવે છે. નવરાત્રિમાં અહીં 151થી વધુ દીવાઓની દિવ્ય જ્યોત પ્રગટે છે. આઠમની રાત્રે ભવ્ય યજ્ઞ-હવન બાદ નોમના દિવસે આ મંદિર પુનઃ 1 વર્ષ માટે બંધ કરી દેવાય છે.

પૈસા તૈયાર રાખો! ટર્બો CNG એન્જિન સાથે એન્ટ્રીની તૈયારીમાં છે આ 7 દમદાર કાર; જાણો ક્યારે થશે લોન્ચ