હવામાન નિષ્ણાંત અંબાલાલ પટેલની આગાહી મુજબ રાજ્યમાં 24 જૂનથી 26 જૂન સુધીમાં ભારેથી અતિ ભારે વરસાદ પડવાની શક્યતા છે.અંબાલાલના જણાવ્યા મુજબ આહવા, ડાંગ, વલસાડમાં 7 થી 8 ઈંચ વરસાદ થશે. જ્યારે દક્ષિણમાં સુરત, નવસારી, તાપીમાં 4 થી 5 ઈંચ વરસાદ પડી શકે છે.
આ તરફ સૌરાષ્ટ્રમાં જુનાગઢ, ગીર સોમનાથમાં અતિભારે વરસાદની શક્યતા છે. મધ્ય ગુજરાતના ભાગોમાં આગામી ત્રણ દિવસ સારો વરસાદ પડશે. ઉત્તર ગુજરાતમાં પણ 1 ઈંચ આસપાસ વરસાદ પડી શકે છે. દેશના પશ્ચિમી કિનારે અતિ ભારે વરસાદ પડી શકે છે.
અંબાલાલ પટેલના જણાવ્યા મુજબ આદ્રા નક્ષત્રમાં વાવણીલાયક વરસાદ થશે. જૂલાઈના પ્રથમ સપ્તાહમાં બંગાળના ઉપસાગરનું વહન શક્રીય થાય છે. આથી જૂલાઈના પ્રથમ સપ્તાહમાં મોટાભાગના જિલ્લાઓમાં ભારેથી અતિભારે વરસાદ રહી શકે છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 3:40 pm, Sun, 23 June 24