દહેજ બાયપાસ રોડ પર મસમોટા ખાડાથી વાહનચાલકો પરેશાન, તંત્રની કામગીરી સામે સ્થાનિકોમાં ભારે રોષ – જુઓ Video

ભરૂચના દહેજ બાયપાસ રોડ પર મસમોટા ખાડા અને રસ્તો જર્જરિત થવાના કારણે વાહનો ફસાઈ જવાની ઘટનાઓ સામે આવી રહી છે, જેને પગલે સ્થાનિકોમાં ભારે રોષ જોવા મળી રહ્યો છે.

આ માર્ગ વિલાયત, સાયખા અને દહેજ GIDCને જોડતો મુખ્ય માર્ગ હોવાથી સ્થાનિકોએ રસ્તાની બિસ્માર હાલત અંગે તીવ્ર વિરોધ ઉઠાવ્યો છે. આ રોષને કારણે તંત્ર દ્વારા ખાડા અંગે કામગીરી તો હાથ ધરવામાં આવી પરંતુ તંત્રએ ફરીવાર બુદ્ધિનું પ્રદર્શન કરીને ચાલુ વરસાદે અને પાણી ભરાયેલા ખાડામાં જ કપચી પુરવાનું કામ શરૂ કરી દીધું છે.

ખાડામાં આ પ્રકારે કપચીનું પુરાણ કરવામાં આવતા લોકોમાં વધુ આક્રોશ ફાટી નીકળ્યો છે, કારણ કે આ કપચીના કારણે હવે અકસ્માતની ઘટનાઓમાં વધારો થવાની ભીતિ સર્જાઈ છે. આ સાથે જ આસપાસની સોસાયટીઓમાં પણ પાણી ભરાઈ જતા લોકોમાં રોષ છે, જેને લઈને હવે કોંગ્રેસ આગેવાનોએ પણ આ સમગ્ર મામલે પોતાનો વિરોધ વ્યક્ત કર્યો છે.

આકાશી આફતમાં શુભ અવસર ઉકેલતા સુરતી, લગ્ન મંડપ સ્થળે ભરાયેલા વરસાદી પાણી વચ્ચે યોજાયા લગ્ન, જુઓ Video