આજનું હવામાન : ગુજરાતના આ વિસ્તારમાં અતિભારે વરસાદની આગાહી, જાણો ક્યારે ક્યાં પડશે વરસાદ, જુઓ Video
હવામાન વિભાગની આગાહી અનુસાર આજથી રાજ્યમાં વરસાદી માહોલ રહેશે. રાજ્યમાં આગામી 7 દિવસ હળવાથી ભારે વરસાદની આગાહી કરવામાં આવી છે. હવામાન વિભાગની આગાહી અનુસાર રાજ્યમાં દક્ષિણ અને મધ્ય ગુજરાતમાં ભારેથી અતિભારેની શક્યતા વ્યક્ત કરવામાં આવી છે.
હવામાન વિભાગની આગાહી અનુસાર આજથી રાજ્યમાં વરસાદી માહોલ રહેશે. રાજ્યમાં આગામી 7 દિવસ હળવાથી ભારે વરસાદની આગાહી કરવામાં આવી છે. હવામાન વિભાગની આગાહી અનુસાર રાજ્યમાં દક્ષિણ અને મધ્ય ગુજરાતમાં ભારેથી અતિભારેની શક્યતા વ્યક્ત કરવામાં આવી છે. તેમજ તો 25થી 29 જુલાઈ ભારેથી અતિભારે વરસાદ પડી શકે છે.
આ ઉપરાંત નર્મદા, તાપી, ડાંગ, નવસારી, વલસાડ, દમણ અને દાદરા નગરહવેલીમાં ભારે વરસાદની આગાહી કરાઈ છે. તો 26 જુલાઈએ દાહોદ, છોટાઉદેપુર, નર્મદા, સુરત, તાપી, ડાંગ, નવસારી, વલસાડ, દમણ અને દાદરા નગરહવેલીમાં અતિભારે વરસાદની શક્યતા વ્યક્ત કરાઈ છે.
અંબાલાલ પટેલે ભારે વરસાદની કરી આગાહી
બીજી તરફ હવામાન નિષ્ણાંત અંબાલાલ પટેલની આગાહી અનુસાર 27 જુલાઈ બાદ મેઘરાજા ગુજરાતમાં ભૂક્કા બોલાવશે. ઓગસ્ટ મહિનાની શરુઆત સુધી રાજ્યમાં ભારે વરસાદ પડશે. તેમજ 27 અને 28 જુલાઈએ રાજ્યના કેટલાક ભાગ જળતરબોળ થશે. આ વિસ્તારોમાં 8 થી 10 ઈંચ વરસાદ ખાબકી શકે છે. તેમજ 27 તારીખ બાદ ગુજરાતમાં જળબંબાકારની સ્થિતિ સર્જાઈ શકે છે.
