Bhavnagar: ભાવગરમાં રખડતા ઢોરની સમસ્યાએ માઝા મુકી છે અને તંત્રને જાણે કંઈ પડી જ નથી. રખડતા ઢોરની અડફેટે રોજ કોઈને કોઈ નિર્દોષ નાગરિકનો ભોગ લેવાઈ રહ્યો છે. ભાવનગરમાં આજે બે જિંદગીનો રખડતા ઢોરને કારણે ભોગ લેવાયો છે. 24 કલાકમાં ઢોરની અડફેટે આવતા મોતની બે ઘટનાઓ સામે આવી છે.
સિહોરના આબલા ગામે ઢોરની અડફેટે આવેલા યુવકનું સારવાર દરમિયાન મોત થયુ તો બીજી તરફ ભાવનગર શહેરમાં ટોપથ્રી રોડ પર ઢોરની અડફેટે ઈજાગ્રસ્ત થયેલા વૃદ્ધનું પણ સારવાર દરમિયાન મોત નીપજ્યું. ભાવનગર શહેર અને જિલ્લામાં 24 કલાકમાં ઢોરના ત્રાસથી 2 વ્યક્તિના મોત નીપજ્યા છે. પરંતુ તંત્ર છે કે હજુ તેની આંખ ખૂલતી નથી અને રખડતા ઢોરની સમસ્યાનું કોઈ નક્કર નિરાકરણ લાવવામાં નથી આવી રહ્યુ.
ભાવનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
Published On - 12:27 am, Fri, 18 August 23