Gujarati Video : કોંગ્રેસના ધારાસભ્ય ગેનીબેનની SP વિરુદ્ધ ફરિયાદ મુદ્દે ગરમાઈ રાજનીતિ, જિલ્લા ભાજપ પ્રમુખે લગાવ્યા ગંભીર આક્ષેપ
Banaskantha:વાવથી કોંગ્રેસના ધારાસભ્ય ગેનીબેન ઠાકોરે SP વિરુદ્ધ કરેલી ફરિયાદ મુદ્દે હવે રાજનીતિ તેજ થઈ છે. જિલ્લા ભાજપ પ્રમુખે SPની કામગીરીને બિરદાવી કોંગ્રેસ પર બુટલેગરોને બચાવવા અને પોલીસ પર દબાણ કરવાનો ગંભીર આક્ષેપ કર્યો છે.
બનાસકાંઠાના વાવના ધારાસભ્ય ગેનીબેન ઠાકોરે SP સામે કરેલી ફરિયાદ બાદ રાજકારણ ગરમાયુ છે. જિલ્લા ભાજપ પ્રમુખે SP સામે થયેલી ફરિયાદ બાદ SPની કામગીરીને બિરદાવી છે. જિલ્લા ભાજપ પ્રમુખ કીર્તિસિંહ વાઘેલાએ ગેનીબેન સહિત કોંગ્રેસ સામે સામે ગંભીર આક્ષેપ કર્યા છે. તેમણે જણાવ્યુ કે રાહુલ ગાંધીની કોંગ્રેસ દારૂના બુટલેગરોને બચાવી રહી છે. કોંગ્રેસના નેતા અને ધારાસભ્ય બુટલેગરને બચાવવા પોલીસ અને રાજ્ય સરાકર પર દબાણ લાવી રહી છે. એક તરફ સરકાર ડ્રગ્સ અને દારૂ સામે કડક હાથે કામ કરી રહી છે તો બીજી તરફ કોંગ્રેસ બુટલેગરોને છાવરતી હોવાનો પણ જિલ્લા ભાજપે ગંભીર આક્ષેપ કર્યો છે.
આ પણ વાંચો : Banaskantha : પોલીસ કોંગ્રેસ કાર્યકરોને ખોટા કેસ કરી ફસાવે છે, ગેનીબેન ઠાકોરે કલેક્ટરને કરી રજૂઆત, જુઓ Video
જિલ્લા ભાજપ પ્રમુખના આક્ષેપ સામે ગેની બેનનો વળતો પ્રહાર
બીજી તરફ ગેનીબેન ઠાકોરે પણ જિલ્લા ભાજપ પ્રમુખ પર વળતો પ્રહાર કર્યો છે. ગેનીબેનએ આક્ષેપ કર્યો કે જનતા જાણે છે કે બુટલેગરોને છાવરવાનું કામ કોણ કરે છે ? બનાસકાંઠાથી ગાંધીનગર સુધી હપ્તા કોણ લે છે ? આ સાથે તેમને પોતાની પાસે બુટલેગરોનું લિસ્ટ હોવાનુ અને સમય આપે તો તમામ વિગતો આપવાનો દાવો પણ કર્યો છે.
બનાસકાંઠા જિલ્લા સહિત ગુજરાતના તમામ સમાચાર વાંચવા માટે અહીં ક્લિક કરો
