Ahmedabad Video : સ્પાના વિવાદ વચ્ચે ગૃહ રાજ્યપ્રધાને આપ્યુ મોટું નિવેદન, ગેરકાયદે પ્રવૃતિ ચાલતી હશે તો કાર્યવાહી થશેઃ હર્ષ સંઘવી

Harsh Sanghavi : અમદાવાદના સ્પા વિવાદ બાદ ગૃહપ્રધાને મોટું નિવેદન આપ્યું છે. એક જાહેર કાર્યક્રમમાં હર્ષ સંઘવીએ ગેરકાયદે સ્પા સંચાલકો વિરૂદ્ધ હૂંકાર કર્યો છે. અને સ્પાના નામે ચાલતા ગોરખધંધા વિરૂદ્ધ કાર્યવાહીની વાત કરી છે. હર્ષ સંઘવીએ દાવો કર્યો કે ગત વર્ષે પોલીસે સ્પા વિરૂદ્ધ કડક કાર્યવાહી કરી હતી. અને આ સિલસિલો યથાવત રહેશે.

આ પણ વાંચો : Ahmedabad: સરખેજ વિસ્તારમાં પાંચ મહિના અગાઉ થયેલ યુવકની હત્યાનો ભેદ ઉકેલાયો, 3 આરોપી ઝડપાયા

હર્ષ સંઘવીએ હૂંકાર કર્યો કે જ્યાં ગેરકાયદે પ્રવૃતિ ચાલતી હશે ત્યાં પોલીસ કાર્યવાહી કરશે. થોડા દિવસ અગાઉ અમદાવાદના સિંધુભવન રોડ પર આવેલા એક સ્પાની લોંબીમાં યુવતીને માર મારવાનો વીડિયો વાયરલ થયો હતો. માર મારનાર ગેલેક્સી સ્પાના સંચાલક મોહસીન રંગરેજની ધરપકડ કરવામાં આવી હતી.