બુટલેગરો પર પોલીસનો સપાટો.. અમદાવાદમાં બે દિવસીય પ્રોહિબિશન ડ્રાઇવ, રોડોનો દારૂ ઝડપાયો, 244 આરોપીની ધરપકડ
અમદાવાદ શહેરમાં પોલીસ વિભાગ દ્વારા બે દિવસીય સ્પેશિયલ પ્રોહિબિશન ડ્રાઇવ હાથ ધરવામાં આવી હતી. રાજ્યના ડીજીપીના આદેશ બાદ સોલા, સાબરમતી અને નરોડા સહિતના વિસ્તારોમાંથી દારૂનો જથ્થો ઝડપ્યો.
અમદાવાદ શહેર પોલીસે રાજ્યના પોલીસ મહાનિર્દેશક (DGP)ના આદેશ બાદ બે દિવસીય સ્પેશિયલ પ્રોહિબિશન ડ્રાઇવ હાથ ધરી હતી. આ ડ્રાઇવ અંતર્ગત શહેરના વિવિધ વિસ્તારો, ખાસ કરીને સોલા, સાબરમતી અને નરોડામાંથી, ગેરકાયદેસર દારૂનો મોટો જથ્થો ઝડપી પાડવામાં આવ્યો છે.
બે દિવસ ચાલેલી આ કાર્યવાહી દરમિયાન પોલીસે કુલ 215 પ્રોહિબિશન કેસ નોંધ્યા હતા અને આ કેસોમાં 244 આરોપીઓની ધરપકડ કરવામાં આવી હતી. વિદેશી દારૂ સંબંધિત 47 કેસમાં આશરે 11,000 વિદેશી દારૂની બોટલો જપ્ત કરવામાં આવી હતી, જેની કુલ કિંમત આશરે રૂપિયા 28 લાખ આંકવામાં આવી છે.
વધુમાં, દેશી દારૂ સામે પણ પોલીસે કડક કાર્યવાહી કરી હતી. દેશી દારૂના 168 કેસ નોંધવામાં આવ્યા હતા, જેમાં 1,900 લિટરથી વધુ દેશી દારૂ જપ્ત કરવામાં આવ્યો હતો. દેશી દારૂના આ જથ્થાની બજાર કિંમત આશરે રૂપિયા 3.88 લાખ જેટલી થાય છે. અમદાવાદ પોલીસની આ સઘન કાર્યવાહીથી ગેરકાયદેસર દારૂના વેપાર સાથે સંકળાયેલા તત્વોમાં ફફડાટ ફેલાયો છે.
શું બુટલેગરો સાથે હતી પોલીસની સાંઠગાંઠ? મોટા બુટલેગરો સુધી પોલીસ ક્યારે પહોંચશે?
