Ahmedabad: ત્રણ ઓગસ્ટથી GTUની ઓફલાઇન પરીક્ષાઓ શરૂ,વિદ્યાર્થીઓને 400 કિલોમીટર દૂર પરીક્ષા કેન્દ્ર ફાળવતા વિદ્યાર્થીઓ મુશ્કેલીમાં
જીટીયુ દ્વારા આ વખતે વિદ્યાર્થીઓને પરીક્ષા કેન્દ્ર પસંદ કરવાની તક ના આપતા વિદ્યાર્થીઓને પોતાના રહેઠાણ કે કોલેજથી દૂરના કેન્દ્રો ફાળવવામાં આવ્યા છે.જેથી વિદ્યાર્થીઓ હાલ મુશ્કેલીમાં મુકાયા છે.
ત્રણ ઓગસ્ટથી GTUની (Gujarat Technological University) ઓફલાઇન પરીક્ષાઓ શરૂ થઈ રહી છે.પરંતુ પરીક્ષામાં જીટીયુએ વિદ્યાર્થીઓને દૂર-દૂર પરીક્ષા કેન્દ્રોની ફાળવણી કરતા વિદ્યાર્થીઓ મુશ્કેલીમાં મુકાયા છે.હાલોલના વિદ્યાર્થીઓને 400 કિલોમીટર દૂર ભુજ અને પાલનપુરમાં પરીક્ષા કેન્દ્ર (Exam Center) ફાળવવામાં આવ્યું છે.
ઉલ્લેખનીય છે કે,જીટીયુએ આ વખતે વિદ્યાર્થીઓને (Student) પરીક્ષા કેન્દ્ર પસંદ કરવાની તક ના આપતા વિદ્યાર્થીઓને પોતાના રહેઠાણ કે કોલેજથી દૂરના કેન્દ્રો ફાળવવામાં આવ્યા છે.કોરોનાને કારણે હજુ સુધી હોસ્ટેલો (Hostel) શરૂ થઈ નથી ત્યારે હાલ વિદ્યાર્થીઓએ સહન કરવાનો વારો આવ્યો છે.ત્રણ ઓગસ્ટથી શરૂ થતી પરીક્ષામાં અંદાજે 12 હજાર જેટલા વિદ્યાર્થીઓ મુશ્કેલીમાં મુકાયા છે.ત્યારે આ અંગે GTUના કુલપતિએ બચાવ કરતા જણાવ્યું કે, “વિદ્યાર્થીઓને ગેરસમજ થઇ છે,અમે વિદ્યાર્થીઓને કોલેજની નજીકમાં જ પરીક્ષા કેન્દ્રોની ફાળવણી કરી છે.”