રાજકોટ ટીઆરપી ગેમ ઝોન અગ્નિકાંડ બાદ સસ્પેન્ડ થયેલા અને એસીબીની ઝપટમાં આવેલા ભ્રષ્ટ ટીપીઓ સાગઠીયાને પોલીસ કસ્ટડીમાં જ ભાજપના પૂર્વ ધારાસભ્ય અને ભાજપના એક કોર્પોરેટર મળતા વિવાદ વધુ ઘેરો બન્યો છે. રાજકોટમાં લોક મુખે ચર્ચાઈ રહ્યું છે કે, ટીઆરપી ગેમ ઝોનમાં ભાજપના ” મોટા ભા” સંડોવાયેલા છે. જેના કારણે આ અગ્નિકાંડમાં મોટી માછલીઓને કઈ નહી થાય અને નાની માછલીઓને જાળમાં ફસાવી લેવાશે.
ભાજપના પૂર્વ ધારાસભ્ય રમેશ રુપાપરા અને રાજકોટ મનપાના વોર્ડ નંબર 1ના ભાજપના કોર્પોરેટર હિરેન ખીમાણીયા, રાજકોટ ટીઆરપી ગેમ ઝોન અગ્નિકાંડ બાદ સસ્પેન્ડ થયેલા અને એસીબીની ઝપટમાં આવેલા ભ્રષ્ટ ટીપીઓ સાગઠીયાને પોલીસ કસ્ટડીમાં મળ્યા હોવાનો ધડાકો થયો છે. શા માટે રમેશ રુપાપરા અને હિરેન ખીમાણીયાને પોલીસ કસ્ટડીમાં સાગઠીયાને મળવાની જરૂર પડી તે મુદ્દે અને સવાલો ઊભા થયા છે. રાજકોટ ટીઆરપી ગેમ ઝોન અગ્નિકાંડ સર્જાયા બાદ, રાજકોટમાં લોકમુખે ચર્ચાઈ રહ્યું હતું કે, ટીઆરપી ગેમ ઝોનમાં ભાજપના ” મોટા ભા” સંડોવાયેલા છે. આથી આ કેસમાં કોઈ દાખલારુપ શિક્ષા કે પગલાં લેવાશે નહીં. મોટા માથાઓને બચાવી લેવાશે અને નાના લોકોને સળિયાની પાછળ ધકેલી દેવાશે.
આ અગાઉ કોંગ્રેસના ધારાસભ્ય જીજ્ઞેશ મેવાણીએ અગ્નિકાંડના પીડિતોને વિપક્ષના નેતા રાહુલ ગાંઘી સાથે ઓનલાઈન મુલાકાત કરાવી હતી. તે સમયે પણ જીજ્ઞેશ મેવાણીએ એક પૂર્વ ધારાસભ્યની ભુમિકા પર સવાલ ઉઠાવ્યા હતા. જીજ્ઞેશ મેવાણીએ પણ આ કેસમાં સળસળતા સવાલો ઉઠાવ્યા છે. શું રમેશ રૂપાપરાએ સાગઠિયાને ફોડવાની કોશિશ કરી ?
શું રમેશ રૂપાપરા પોતાનું અને ભાજપના અન્ય નેતાઓનું નામ ના ખૂલે તે માટે સાગઠિયાને મળ્યો ?