રાજકોટમાં નકલી ક્રાઈમ બ્રાન્ચ પોલીસ, અસલી પોલીસના સકંજામાં, ખોટી ઓળખ આપી હજારોની કરી હતી લૂંટ, જુઓ વીડિયો

રાજકોટમાં નકલી પોલીસને અસલી પોલીસે ઝડપ્યો છે.ભક્તિનગર પાસે નકલી પોલીસ ક્રાઈમ બ્રાંચની ઓળખ આપીને લોકો પાસેથી પૈસા પડાવતો હતો. રિક્ષામાં બેસેલા પેસેન્જર પાસેથી 800 રુપિયાની લૂંટ પણ ચલાવી હતી. જો કે ભક્તિનગર પોલીસે આ ઠગબાજને ઝડપી પાડ્યો છે. તેમજ ઠગબાજ પર IPC 392, 170, 504 મુજબ નોંધાઈ ફરીયાદ નોંધવામાં આવી છે.

તો આ અગાઉ પણ રાજકોટમાં આવી જ એક ઘટના બની હતી.રાજકોટમાં LCB ક્રાઈમ બ્રાન્ચનો નકલી અધિકારી અસલી પોલીસના સકંજામાં આવી ગયો હતો.જેણે નોકરી વાંછુક યુવતીને ઉદયપુર LCB ક્રાઈમ બ્રાન્ચમાં હોવાની ઓળખ આપી અનેક વાર દુષ્કર્મ આચર્યું હતું.મહત્વનું છે કે ખાર રાખી યુવતી જે કંપનીમાં નોકરી કરતી હતી તે ઓફિસમાં જવલનશીલ પદાર્થ છાંટીને આગ લગાડી હતી.નકલી પોલીસ અધિકારી હોવાનો ભાંડો ફૂટતા યુવતીએ પોલીસ ફરિયાદ નોંધાવી હતી.