Surat દારુની મહેફિલ માણતી બે મહિલા સહીત 11 ઝડપાયા

Surat દારુબંધીને વરેલા ગુજરાતમાં અવારનવાર દારુની મહેફિલ માણતા ઝડપાયા હોવાના સમાચાર આવતા રહે છે. આવા જ વધુ એક સમાચાર સુરતથી સામે આવ્યા છે. સુરતના અલઠાણ રોડ ઉપર આવેલા પાર્ટી પ્લોટમાં દારુની મહેફિલ માણતા 11 લોકોને પોલીસે પકડી પાડ્યા છે. ઝડપાયેલા 11 વ્યક્તિઓમાં 2 મહિલાઓનો સમાવેશ થાય છે. સુરતના અલઠાણ રોડ ઉપર આવેલા કેશવ પાર્ટી પ્લોટમાં લોકો એકઠા થઈને દારુની મહેફિલ માણતા હોવાની બાતમી પોલીસને મળી હતી. જેના આધારે ખટોદરા પોલીસે દરોડા પાડતા,
કેશવ પાર્ટી પ્લોટમાંથી દારુની મહેફિલ માણતી બે મહિલા સહીત કુલ 11 વ્યક્તિઓ પાસેથી બિયર અને દારુની બોટલ જપ્ત કરીને કાયદેસરની કાર્યવાહી હાથ ધરી છે.