‘ધક્કા ગાડી, એસટી હમારી’, સલામત સવારીના દાવા પોકળ, ભાવનગરમાં અધવચ્ચે જ બસ બંધ પડી જતા મુસાફરોએ માર્યા ધક્કા- જુઓ વીડિયો

ભાવનગરમાં સલામત સવારી એસટી હમારીના ધજાગરા ઉડતા જોવા મળ્યા હતા. સિહોર-ટાણા રૂટની બસ અચાનક બંધ પડી જતા વિદ્યાર્થીઓ અને સહિત પ્રવાસીઓએ બસને ધક્કા મારવાનો વારો આવ્યો હતો. એસટી બસમાં અચાનક ખામી સર્જાતા બસ બંધ પડી ગઈ હતી. એસટી તંત્ર દ્વારા બસનું બરાબર મેઈન્ટેનન્સ નહીં થતા સલામત સવારીને બદલે ધક્કા ગાડી એસટી હમારી જેવા દૃશ્યો જોવા મળ્યા હતા.

જો કે આ પહેલીવાર નથી કે આ પ્રકારે બસ અચાનક બંધ પડી જતા મુસાફરોએ ધક્કા મારવા પડ્યા હોય. આવુ અનેકવાર બનતુ જ રહે. ગમે ત્યારે બસ અધવચ્ચે જ બંધ પડી જાય છે અને મુસાફરો રઝળી પડે છે તેમને ધક્કા મારવા પડે છે. ભાવનગરમાં સિહોરથી ટાણા વચ્ચે ચાલતી શટલ એસટી બસ ટાણા બસ સ્ટેન્ડમાં રોડ પર જ બંધ પડી ગઈ. જેના કારણે ટ્રાફિકજામની સ્થિતિ પણ સર્જાઈ હતી અને મુસાફરો હેરાન પરેશાન થયા હતા.

આ પણ વાંચો: ભાવનગર: નિકાસની છૂટ મળતા યાર્ડમાં ડુંગળીના ભાવમાં ઉછાળો, ખેડૂતોના ભાગે નર્યો નિ:સાસો, શક્તિસિંહે ગણાવી ચૂંટણીલક્ષી લોલિપોપ- વીડિયો

બે દિવસ પહેલા ઉના-વેરાવળ રૂટની બસ પણ અધવચ્ચે જ થઈ હતી બંધ

આ અગાઉ બે દિવસ પહેલા જ ગીરસોમનાથમાં ઉના-વેરાવળ રૂટની બસ અચાનક રસ્તામાં બંધ થઈ ગઈ અને મુસાફરોએ ધક્કા માર્યા ત્યારે બસ ચાલુ થઈ હતી. આ બંને ઘટનાઓ પરથી સ્પષ્ટ થાય છે કે હાલ એસટી વિભાગની હાલત કેવી છે. એસટીનું તંત્ર કેટલી હદે ખાડે ગયુ છે તેનો આ બોલતો પુરાવો આ બંને ઘટનાઓ આપી રહી છે. સલામત સવારીના દાવા કેટલા પોકળ છે તે આ ઘટનાઓ બતાવે છે.

Input Credit- Ajit Gadhvi- Bhavnagar, Yogesh Joshi- Gir Somnath

ગુજરાતના તમામ જિલ્લાના સમાચાર વાંચવા માટે અહીં ક્લિક કરો