Rain News : ભારે વરસાદ વચ્ચે જન્માષ્ટમીની ઉજવણી ! ધોધમાર વરસાદ વચ્ચે ડાકોર મંદિરમાં ભક્તોની ભારે ભીડ, જુઓ Video

હવામાન વિભાગની આગાહી વચ્ચે ગુજરાતના અનેક વિસ્તારોમાં ધોધમાર વરસાદ ખાબક્યો છે. ત્યારે ખેડા જિલ્લા સહિત ડાકોરમાં પણ મેઘરાજા મન મૂકી વરસી રહ્યા છે. ખેડા જિલ્લાના ડાકોરમાં આવેલા પ્રસિદ્ધ રણછોડરાય મંદિરમાં જન્માષ્ટમીના પર્વ પર ભારે વરસાદ પડ્યો. વરસાદ છતાં, મોટી સંખ્યામાં ભક્તો મંદિરમાં દર્શન કરવા માટે પહોંચ્યા.

ડાકોર મંદિરના સત્તાધીશોએ ભક્તોની સલામતી માટે વિવિધ વ્યવસ્થાઓ ગોઠવી હતી. મંદિર પરિસરમાં સતત એનાઉન્સમેન્ટ કરીને ભક્તોને સલામતીની સૂચનાઓ આપવામાં આવી રહી હતી. અચાનક વરસાદ આવવાને કારણે ભીડ વધી શકે છે અને લોકો પડી શકે છે તેવી શક્યતાને ધ્યાનમાં રાખીને આ પગલાં લેવામાં આવ્યા હતા.

ઘણા ભક્તો વરસાદમાં ભીંજાઈને પણ દર્શન કરવા માટે ઉત્સાહિત રહ્યા. ઘણાએ વરસાદથી બચવા માટે મંદિર પરિસરમાં ઉપલબ્ધ આશ્રય સ્થળોનો ઉપયોગ કર્યો. વરસાદ છતાં જન્માષ્ટમી ઉજવણીનો માહોલ અનોખો અને ભાવિક રહ્યો. ભક્તોનો ઉત્સાહ અને શ્રદ્ધા વરસાદથી અડીખો ન થયો.